آمال ماهر تثير الجدل بكلمات أغنيتها الجديدة رقم واحد: أنا اللي مكانها كان دايمًا رقم واحد
أشعلت الفنانة آمال ماهر مواقع التواصل الاجتماعي بعد طرح أغنيتها الجديدة رقم واحد، ضمن ألبوم حاجة غير، والتي تضمنت كلمات قوية واثقة، أعاد بها الجمهور الحديث عن مكانتها على الساحة الغنائية.
كلمات أغنية رقم واحد
وجاءت كلمات الأغنية: بعيش فترة في حياتي كنت أنا نسيتها، بإحساس بنت فرحانة بأنوثتها، تبان واثقة ومن جواها طايقة ومراهقة، في تفكيرها ومشاعرها اللي حسيتها، مع حبيبي لقيتني رجعت من تاني، بغير شكل تسريحتي وفستاني، بجدد حتى لون شعري وبرفاني، وبتمرد على الوحدة وحبستها، أنا اللي وجودها طمنها وغيرها فى حبت نفسها أكتر عشان حباه، كأنها نجمة مطفية ونورها، ثقتها بنفسها رجعت وهي معاه، أنا اللي مكانها مش ممكن هيتاخد، ولو حتى اختفيت ولا بعدت يومين، ما أنا اللي مكانها كان دايمًا رقم واحد، ومن بعدي مفيش وماجتش رقم اتنين.
الكلمات أثارت تفاعلًا واسعًا بين جمهور آمال ماهر، حيث اعتبرها البعض رسالة مباشرة تؤكد من خلالها أنها لا تزال تتربع على عرش الأغنية العربية، رغم فترات الغياب، بينما رأى آخرون أنها تلميحات موجهة لزميلات في الوسط الفني، وهي من كلمات نادر عبد الله وألحان زعيم وتوزيع أحمد أمين.
آمال ماهر: أنا ممكن أكون رقم 1 عند حد وممكن أكون ولا حاجة عند حد تاني
وفي سياق مختلف سبق وعلقت الفنانة آمال ماهر في تصريحات تلفزيونية، على جدل لقب صوت مصر، قائلة: أنا مبحبش الكلام ولا اللغط في موضوع الألقاب، لأن أنا ممكن أكون رقم 1 عند حد وممكن أكون ولا حاجة عند حد تاني، فبأي حق أقول أنا رقم واحد؟ وأنا صوت إيه، الناس هي اللي بتقيم وهو اللي بتدي اللقب للمطرب، وأنا بحب اسمي جدًا وبالنسبة ليا أن الناس حباه وعارفاه دي حاجة اتشرف بيها،واللي أنا عارفاه كويس أوي أني بحب اسم آمال ماهر، أنا هعوز إيه أكتر من أن الناس شايفاني أميرة قلوبهم.
