الثالث مكرر على الثانوية الأزهرية: حلمي الطب علشان أرضي أبويا وأمي.. ومعلمي المسيحي كان بيشجعني ويدعمني
كشف الطالب محمد مصطفى عبد اللطيف، ابن الكرنك شمال الأقصر، والحاصل على المركز الثالث مكرر على مستوى الجمهورية – القسم العلمي في الثانوية الأزهرية بنسبة 99.54%، عن حلمه الكبير بالالتحاق بكلية الطب إرضاءً لوالديه، ووفاءً لدعمهما المتواصل.
طالب الأقصر الثالث مكرر على الثانوية الأزهرية: حلمي الطب علشان أرضي أبويا وأمي.. ومعلم مسيحي فرق في حياتي
وقال محمد في تصريحات خاصة لـ القاهرة 24: حلمي أدخل كلية الطب علشان أفرّح أبويا وأمي اللي تعبوا معايا، وشجعوني ووقفوا جنبي في كل لحظة من سنين الدراسة، وما زالوا دايمًا سندي ودعمي الأول.
وفجّر الطالب المتفوق مفاجأة إنسانية مؤثرة بقوله: مدرس الفيزياء اللي كنت باخد عنده دروس خصوصية، كان مسيحي الديانة، لكنه كان بمثابة أخ ليا، عمره ما فرّق بيني وبين أي حد، وكان دايمًا بينصحني ويشجعني ويدعمني.. وفرق جدًا في حياتي.
وعن سر تفوقه، وجّه محمد رسالة لزملائه الطلاب قائلًا: نصيحتي لأي حد عايز ينجح: ذاكر أول بأول، بلاش تراكم، وراجع كويس، وخليك دايمًا مجتهد.. والأهم: حافظ على صلاتك في وقتها، واستعن بالله في كل خطوة.
ويعد الطالب محمد مصطفى من النماذج اللامعة في منطقة الأقصر الأزهرية، وسبق أن حصد المركز الأول في الشهادة الإعدادية، ويُعرف عنه الالتزام والتفوق وحفظ القرآن الكريم، وينتمي لعائلة علمية من رموز الأزهر الشريف، فجده لوالدته هو الشيخ أحمد عبد الحاكم، شيخ معهد الأقصر في التسعينيات.
كلية الطب الحلم الذي كان يتمناه
وأراد محمد أن يستكمل مسيرة أعمامه في الطب، فعمه الدكتور زين العابدين عبد اللطيف رئيس قسم القلب والقسطرة بمستشفى الأقصر الدولي وعمه الدكتور البراء عبد اللطيف رئيس قسم الحضانات بمستشفى الكرنك.
