أحمد ماهر يكشف تفاصيل خلافه مع الزعيم عادل إمام بفيلم شمس الزناتي: كان تقيل على قلبي اعتذرله
كشف الفنان أحمد ماهر، عن تفاصيل خلافه مع الزعيم عادل إمام، وذلك خلال تصوير فيلم شمس الزناتي، الذي حقق نجاحًا كبيرًا وقت عرضه.
وقال أحمد ماهر، في لقائه مع الإعلامية ياسمين عز، ببرنامجها كلام الناس: حصل خلاف بيني وبين عادل إمام علشان تأخرت على التصوير ومعتذرتش ليه بشكل شخصي، وكانت تقيلة على قلبي أني اختصه بالاعتذار، وكنا بنصور في سقارة ولقاني باكل كريز وقالي مفيش قطفة كده؟، قولتله من أكلي؟ ورسول الله ولا حباية مبحبش حد يقرب من أكلي.
أحمد ماهر: بيلوموني على تراجع أجري
وكان كشف الفنان أحمد ماهر، سبب قلة أعماله الفنية خلال السنوات الأخيرة، بجانب الحديث عن حقيقة طلبه أجور عالية، قائلًا: مبطلبش أجر عالي، أحمد ماهر بيلام أن أجره في كثير من الأحيان بيتراجع، وانا لو حبيت الشخصية بتنازل عن الأجر، وفي مسلسل بابا المجال لما جيت أتعاقد لقيت الطرح مش بديع والغضب ملاني وقولتلهم مين قالكم أني ممكن أقبل بده، وقولتلهم كفى الله المؤمنين القتال ومشيت.
وتابع أحمد ماهر: بعد ما مشيت اتخانقت مع نفسي وقلت إزاي تمشي وبعد 12 يوما كلموني وتعاقدت ولو كان راح مني الدور كان ممكن يحصل لي حاجة.
وتابع أحمد ماهر: أنا واحد من جيل ربنا أنعم عليه بأنه وقف من اللحظة الأولى في حياته العملية وسط الكبار والعمالقة، صعب أوي أن اللي اتعود ياكل تفاح يمد أيده على خيارة، النهاردة المسألة ضاقت، وبعض الأعمال تشابهت وبعد ما عشت فترة بنتقي واتخير الاقي الفرصة ضاقت الاختيار بقى صعب.
