إحالة طبيب تغذية شهير بالقاهرة الجديدة للمحاكمة الجنائية لاتهامه في واقعة إهمال طبي لمهندس
قررت جهات التحقيق المختصة إحالة طبيب تغذية شهير بالقاهرة الجديدة للمحاكمة الجنائية على خلفية اتهامه بالتسبب في واقعة إهمال طبي وإحداث عاهة مستديمة لمهندس.
إحالة طبيب تغذية شهير بالقاهرة الجديدة للمحاكمة الجنائية
وفي ذات السياق، قال المجني عليه ويعمل مهندس: أنا اتعرضت لإهمال طبي من دكتور معروف وعياداته في القاهرة كلها واسمه معروف أ. ق، لمدة شهرين كاملين، دخلت أعمل بالون المعدة وخرجت وتركيبها سليم، بعد العملية الدكتور قاللي التعليمات وأنه أسبوع والأعراض بتروح وأعيش حياتي عادي جدا.
وأضاف، بس للأسف الأعراض فضلت مستمرة بعد أول أسبوع بدون أي أكل وغثيان متواصل حتى لو شربت مية، وفي المتابعة الدكتور غيرلي الأدوية وقالي عادي جدا وأنت خسيت كويس أوي.
وتابع، فضلت على نفس الحال ورحتله بعد أسبوع كمان بقترح نشيل البالون رفض وقاللي نصا "أنا مستخسر نزولك في الوزن بلاش نشيلها" وفضلت أتعب أكتر وقعدت 45 يوم من غير ولا لقمة وكل ما أحاول أتواصل معاه المساعد يرفض يخليني اكلمه ويروح يوصله كلامي ف يبعتلي مع المساعد أسماء محاليل اعلقها.
