بكفالة 5 آلاف جنيه.. إخلاء سبيل طبيب تغذية شهير في واقعة إهمال طبي وإحداث عاهة مستديمة لمهندس
قررت جهات التحقيق، إخلاء سبيل طبيب تغذية شهير بالقاهرة الجديدة على خلفية اتهامه بالتسبب في واقعة إهمال طبي وإحداث عاهة مستديمة لمهندس.
إخلاء سبيل طبيب تغذية شهير في واقعة إهمال طبي
وقال مروان، ويعمل مهندس: أنا اتعرضت لإهمال طبي من دكتور معروف وعيادات في القاهرة كلها واسمه معروف أ. ق، لمدة شهرين كاملين، دخلت أعمل بالون المعدة وخرجت وتركيبها سليم، بعد العملية الدكتور قاللي التعليمات وأنه أسبوع والأعراض بتروح وأعيش حياتي عادي جدا.
وأضاف، بس للأسف الأعراض فضلت مستمرة بعد أول أسبوع بدون أي أكل وغثيان متواصل حتى لو شربت مياه، وفي المتابعة الدكتور غيرلي الأدوية وقالي عادي جدا وأنت خسيت كويس أوي.
وتابع، فضلت على نفس الحال ورحتله بعد أسبوع كمان بقترح نشيل البالون رفض وقاللي نصا "انا مستخسر نزولك في الوزن بلاش نشيلها" وفضلت أتعب أكتر وقعدت 45 يوم من غير ولا لقمة وكل ما احاول أتواصل معاه المساعد يرفض يخليني اكلمه ويروح يوصله كلامي ف يبعتلي مع المساعد أسماء محاليل اعلقها.
وأشار، ساعتها أخويا كلم المساعد عشان يحاول يوصل للدكتور ويتأكد أن المحاليل كافية وأن مش لازم نشيلها واتفاجئ أن المساعد جه مش طبيب هو مجرد مساعد شخصي وفضلنا نتحايل عليه عشان نعرف نكلمه مرضاش نهائي وكل حاجة لازم خلال الوسيط المساعد.
وأردف، لحد ما تعبت جدا وغيبت عن الوعي ونقلوني على طنطا لان كان ليلة العيد الصغير وصعب نلاقي أطباء بسهولة فرجعنا طنطا لمستشفي بنثق فيها ومن هنا الدكاترة اكتشفوا حصوات في المرارة والتهابات حادة في الأمعاء وحجزوني في المستشفى وخدوا قرار بإزالة البالون فورا متسائلين إزاي الدكتور ساب حالة ترجع من غير أي غذاء بيدخل للجسم لمدة 45 يوم متواصلين.
