لازم تهدى.. سيد معوض يوجه رسالة قوية لـ أحمد فتوح
وجه سيد معوض نجم الأهلي السابق، رسالة قوية إلى أحمد فتوح ظهير أيسر الزمالك بعد أزماته الأخيرة مع الفارس الأبيض، وموقفه من انتقاله إلى القلعة الحمراء خلال الفترة المقبلة.
سيد معوض يوجه رسالة قوية إلى أحمد فتوح
وقال سيد معوض في تصريحات تليفزيونية: عندي مشكلة مع أحمد فتوح وبقوله أنت ربنا أدالك نعمة كبيرة لازم تحافظ عليها، لكنك مصر على الافتراء.
وأضاف معوض: اللاعبون في مركز الظهير الأيسر عددهم قليل جدًا، لكن في نفس الوقت فين أحمد فتوح من بعد أمم إفريقيا التي شارك فيها أساسيًا رفقة كيروش؟
وواصل سيد معوض: أخبار أحمد فتوح دلوقتي عبارة عن إية؟، لما يحصل موقف زي حادث السنة الماضية ورب أسرة يتوفى لازم تاخد بالك من نفسك شوية، أنت السنة اللي فاتت ارتكبت جناية لازم تهدى علشان ربنا يسترها عليك.
وأكمل معوض: إحنا مش بنشوف منك حاجة، لاعب دولي بيلعب مباراة كل شهرين ومع ذلك بينضم للمنتخب علشان مفيش لاعبيه تانية في مركزه، لو فيه وفرة في مركز الظهير الأيسر أكيد مش هيروح المنتخب.
واختتم سيد معوض تصريحاته، قائلا: انتقال فتوح إلى الأهلي صعب جدًا، الأحمر مش هجيب لاعب يشارك في مباراة كل 3 أو 4 شهور، والشخصية مش هتتغير.
يذكر أن جون إدوارد المدير الرياضي لنادي الزمالك، قرر تحويل أحمد فتوح للتحقيق وإيقاف مستحقاته بالإضافة إلى تغريمه مليون جنيه، بعد ظهوره في حفل بالساحل الشمالي بعد تغيبه عن معسكر الإعداد للموسم الجديد.
