مخدش حكم وأهله قاطعين تواصلنا مع الأولاد.. شقيقة آية عادل تكشف التفاصيل الأخيرة بعد حبس الزوج| خاص
لا يزال أهل آية عادل ضحية العنف الزوجي، ينتظرون عقاب زوجها كريم حسن بعد أن وجه له محامي الأسرة تهمة القتل العمد بإلقائها من شرفة المنزل ووثقت كاميرات المراقبة بالشارع الحادث، وسط تأكيد من الجيران وجود خلافات سابقة بين الزوجين.
شقيقة آية عادل تكشف التفاصيل الأخيرة بعد حبس الزوج
وقالت شقيقة آية عادل في تصريحات لـ القاهرة 24: زوج آية لحد دلوقتي لسه في السجن ومتحكمش عليه، والجلسات مستمرة، كمان الولاد لحد دلوقتي مع أهله لأن القانون في الأردن مختلف عن مصر.
وواصلت: أهل كريم قاطعين بينا وبين الأولاد أي تواصل أو حتى نكلمهم نهائي وبنحاول حاليا نشوف حل، وكل ما بنحاول نلاقي حل لـ موضوع الأولاد بيتعب قلوبنا ومن ساعة موت آية واحنا متكلمناش معاهم ولا سمعنا صوتهم ربنا موجود وأكيد مش هينسانا ولا هينساهم، وبالفعل حاولنا نكلمهم ونتواصل معاهم الفترة اللي فاتت لكن لا رد.
وأثارت قضية المصرية آية عادل حالة جدلا واسعا بسبب تعدد الروايات حول وفاتها، حيث زعم البعض إقبالها على الانتحار من شرفة منزلها في الأردن في حين أكد محامي الأسرة وعدد من شهود العيان وجود شبهة جنائية في الوفاة.
