بدرية طلبة تعلق على القبض على البلوجر: الشمتانين غيرانين من فلوسهم.. واللي محتواه قليل الأدب يتعاقب
علقت الفنانة بدرية طلبة على واقعة القبض على عدد من صناع المحتوى البلوجرز، قائلة إن البعض يشمت فيهم بدافع الغيرة من الأرباح التي يحققونها عبر الدعم على تطبيق تيك توك.
وقالت بدرية، عبر صفحتها الرسمية على موقع التواصل الاجتماعي فيسبوك: الحقيقة بتزعل وساعات بتوجع.. وأنا حَفضل أقول الحق بتاع ربنا، (بعض) الشمتانين في البلوجر اللي اتقبض عليهم غيرانين من الفلوس اللي بتدخلهم من الدعم على التيك توك.
وأضافت: سيبك بقى من اللي يقولك إنه فرحان علشان البلد تتنضف، وأسلوبهم وطريقتهم ومحتواهم والهجص ده كله.. عمومًا، اللي محتواه قليل الأدب يتعاقب، واللي غير محترم يتعاقب، واللي بيغسل يتعاقب.
وتابعت: أما اللي ربنا كرّمه من الدعم من غير أي شبهات، ده رزقه وحقه.. وهو مضربش حد على إيده علشان يدعمه، والشمتان مهما يعمل دي أرزاق ربنا مقسمها، ومحدش بياخد رزق حد.
ألقت الأجهزة الأمنية القبض على صانع المحتوى محمد خالد، المعروف بلقب مداهم، أثناء تواجده في منطقة القاهرة الجديدة، على خلفية اتهامه بنشر مقاطع فيديو تتضمن محتوى منافيًا للآداب والذوق العام عبر منصات التواصل الاجتماعي، وتلقت وزارة الداخلية عدة بلاغات ضد المتهم بسبب بث محتوى غير لائق من خلال حساباته الرسمية، يتعارض مع القيم المجتمعية.
سبب القبض على البلوجر مداهم
ألقت الجهات الأمنية القبض على البلوجر محمد خالد والشهير بـ مداهم بعد تقديم بلاغات ضده وضد عدد من صُنّاع المحتوى الآخرين على مواقع التواصل الاجتماعي، بتهمة نشر فيديوهات تتضمن محتوى خادش للحياء ومخالف لقيم وأخلاقيات المجتمع المصري.حيث تقدم أحد المحامين من مؤسسي حملة تطهير المجتمع ببلاغ للنائب العام ضد مداهم ومحمد شاكر، وذكر البلاغ أن هؤلاء الأشخاص أنشأوا حسابات على منصات التواصل الاجتماعي مثل تيك توك، ويعرضون محتوى يوصف بأنه تافه.
