علي غزلان يكشف استغلال اسمه في عمليات نصب باسم التداول: أنا مقولتش ابعتوا فلوس لحد
تلقى البلوجر علي غزلان، العديد من الرسائل من متابعين يشكون فيها من تعرضهم لعمليات نصب، بعد إرسال أموال لحسابات تحمل اسم مي خالد بدعوى تشغيلها في التداول والاستثمار.
علي غزلان يكشف استغلال اسمه وعدد من الأنفلونسر في عمليات نصب التداول الرقمي
قال غزلان في فيديو عبر حسابه الشخصي بفيس بوك: ناس كتير بعتولي بيقولولي اتنصب علينا بسبب إننا بعتنا لمي خالد فلوس عشان تشغلهم في التداول، وفوجئنا إنها عملت بلوك واختفت.
وأوضح أنه لم يطلب يومًا من أي شخص إرسال أموال لأي طرف بهدف استثمارها، مشددًا على أن هذا النوع من التعاملات غالبًا ما يكون احتياليًا.
وتابع: أنا مقلتش لحد ابعت فلوسه لأي حد، طبيعي إن أي حد يقولك كده بيضحك عليك، مي خالد ماكنتش بتطلب فلوس مقابل كورسات التداول، وأنا اللي قولت إنها كويسة في المجال، بس اللي حصل إن في ناس عملت حسابات مزيفة باسمها واقتطعوا كلامي ونصبوا على الناس باسمها.
وأكد علي غزلان، أن مي خالد نفسها ليست نصابة، بل تم استغلال اسمها وصور من محتواها من قبل محتالين قاموا بإنشاء حسابات وهمية تنتحل هويتها، مستخدمين شهادات منسوبة لبعض المؤثرين لدعم عمليات النصب.
واختتم حديثه برسالة تحذيرية لمتابعيه، أي حد يقولك ابعتلي فلوس أشغلها لك في التداول، بيضحك عليك.
