كان حلم كبير واتحقق.. أول تعليق لـ والد الصغير علي المصاب بالضمور العضلي بعد اكتمال مبلغ العلاج |خاص
أعلن والد علي المصاب بضمور العضلات الشوكي، اكتمال حملة التبرعات وتكاليف علاج نجله الصغير.
أول تعليق من والد الصغير علي المصاب بالضمور العضلي الشوكي
وقال والد الصغير في تصريحات خاصة لـ القاهرة 24: كان بالنسبة لنا حلم مستحيل ومش مصدقين لحد دلوقتي، والحمدلله وبفضل ربنا جمعنا المبلغ المطلوب لتكاليف علاج علي بعد ما كان شيء مستحيل، ومن شهر 6 وإحنا ببناشد الناس بالتبرع لـ علي ابننا والحمدلله صوتنا وصل بفضل ربنا وكرمكم.
وأضاف: زي ما الناس اتبرعت للولد عشان يتعالج من مرض معين بيأثر على حياته بشكل كبير فيه أوجه خير تانية كتير أتمنى يقدمولها تبرعات ودعم، لأن مصر لسه بخير وأهلها دايما موجودين وساندين، المبلغ امبارح كان 50 مليون وخلال ساعات اكتمل لكني مش قادر أحدد بالظبط مصدر الجهات اللي اتبرعت، لكن ناس كتير من برا وداخل مصر ساعدونا ودعمونا بمبالغ كبيرة، وجمع المبلغ ده كان بالنسبة لنا شيء غير متوقع ودلوقتي الحمدلله قدرنا نجمعه وابننا هيبدأ علاجه والمستشفى هتستقبله بالحقن العلاجية.
وخلال الفترة الماضية، ناشدت أسرة الطفل على حملتها لجمع التبرعات من أجل الحصول على حقنة زولجينزما الأغلى في العالم لعلاج مرض ضمور العضلات الشوكي، الذي يهدد حياة ابنهم، وبعد أيام من الدعم والتضامن الواسع من المصريين داخل وخارج البلاد، تحقق الحلم.
