كل ولادي عندهم ضمور عضلي.. والد صغير يستغيث لعلاجه: ابني الأصغر آخر أمل وبتمنى يبقى زي علي
استغاث والد صغير مصاب بـ ضمور العضلات “دوشين” لعلاجه الذي تبلغ تكاليفه 13 مليون ويحتاجه الطفل سنويًا، وهو بحاجة للعلاج بالحقن قبل بدء العام القادم لمنع المضاعفات.
والد صغير مصاب بدوشين يستغيث لعلاجه
وقال سعيد محمد والد الصغير يونس البالغ 6 أعوام في تصريحات خاصة لـ القاهرة 24: ولادي الـ 3 عندهم ضمور العضلات دوشين، وده مرض خطير جدًا، 2 منهم اللي أكبر من يونس خلاص ميعاد علاجهم انتهي ودلوقتي واحد منهم على كرسي وواحد جليس فراش، ونفسي ابني التالت يونس ميوصلش للمرحلة دي ونقدر نوفرله تكاليف العلاج قبل فوات الأوان.
وأضاف: منذ عام بدأت حملة لجمع التبرعات لعلاج صغيري يونس وحتى تلك اللحظة تم تجميع 3 مليون فقط من إجمالي تكلفة العلاج الذي يبلغ 13 مليون جنيه، وحالة الصغير حاليًا خطيرة جدًا وأي تأخر في أخذ العلاج يسبب له مضاعفات شديدة، وسيصبح مثل إخوته الاثنين.
وتابع: البيت عندي نفسيًا وحش جدًا ولادي مش بيتحركوا وأنا متعذب لما بشوفهم كده ومش مستحمل أشوف أخوهم الثالث في نفس المرحلة دي، غير أن أمهم شايلاهم كلهم وبتعمل اللي عليها وأكتر وأنا بجري عليهم وبعمل اللي عليا، ويونس ابني آخر أمل ليا في الدنيا وأنا لحد دلوقتي مش هيأس من رحمة ربنا.
واختتم كل اللي نفسنا فيه يلاقي تبرعات لعلاجه زي الطفل علي وأملنا في ربنا كبير نقدر نوفر له 13 مليون جنيه سعر الحقن اللي محتاجها.
