تامر حسني: ممكن تموت بني آدم بسبب كلمة.. ومكنش في نيتي أكتب أفلام
تحدث الفنان تامر حسني، عن كيفية تعامله مع التعليقات السلبية، بجانب الحديث عن كتابة وتلحين الأغاني وكتابة الأفلام.
وقال تامر حسني، في لايف عبر تيك توك: نفسي أقول لكل الناس أن للأسف في حاجات كتير بتحصل بسبب التعليقات السلبية، ممكن تموت بني آدم بكلمة وحشة، وأنا كفنان ياما سمعت ولكني اتمرنت أتعامل، ولكن البني آدم الطبيعي فعلًا بيتأثر، بطلب من الناس يتمرنوا إزاي يتعلموا يحولوا الطاقة السلبية لـ طاقة إيجابية.
وتابع تامر حسني: بحب أفاجئ الناس بـ أفكار، ولما جيت أعمل أغنية come back to me الناس قالوا أنت مفكر نفسك إنجليزي؟، قولت إيه المشكلة ما نعمل ده وندخل الراب أصلًا، كان ده فكر جديد سنة 2009، ولغاية دلوقتي 2025 الأغنية بتتطلب مني بتوزيع جديد.
وأضاف: كتبت ولحنت أغنية يا نور عيني، وكانت من أنجح أغاني عمري، واتضح ليا أن في ناس مش عايزاك كويس أصلًا، في ناس بتحس بفرق رهيب لما تحس أنك حاجة، والإيجابي يقول الإنسان يدور جوا نفسه ويتشجع، أنا كتبت أفلام ودي مكنتش في نيتي، ولكن لما نجحت وركزت طلعت اللي جوايا.
تامر حسني
وعلى جانب آخر، يعرض حاليًا للفنان تامر حسني، فيلم ريستارت، ويشارك في بطولته نخبة من أبرز الفنانين، منهم: تامر حسني، هنا الزاهد، محمد ثروت، عصام السقا، ميمي جمال، باسم سمرة، والعمل من إخراج أيمن بهجت قمر، وإخراج سارة وفيق.
