اعترافات البلوجر بوبا اللدغة: أنا عايشة مع أمي وأبويا في أوضة.. وعملت فيديو وبقيت مشهورة |خاص
كشفت التحقيقات، تفاصيل جديدة في واقعة القبض على هبة حسن والمعروفة إعلاميا بـ البلوجر بوبا اللدغة، في واقعة اتهامها بنشرها مقاطع فيديو بمواقع التواصل الاجتماعي تتضمن ألفاظا تتنافى مع قيم ومبادئ المجتمع المصري، أن المتهمة بدأت تصوير الفيديوهات على مواقع التواصل الاجتماعي عن طريق المزاح.
اعترافات البلوجر بوبا اللدغة
وشرحت المتهمة ظروف نشأتها أمام جهات التحقيق، مؤكدة أنها تقيم مع والدها ووالدتها وإخوتها داخل غرفة بشقة في مدينة السلام، قائلة: إحنا حالنا على قدنا وأنا ليا أخ وأخت أصغر مني وأنا الكبيرة وإحنا يدوب على قد الأكل والشرب اللي أبويا بيجيبه من شغله وهو شغال سمكري، وأمي قاعدة في البيت مش بتشتغل وأنا كمان مش شغالة، وأبويا اللي بيصرف عليا.
البلوجر بوبا اللدغة
وأوضحت المتهمة، تفاصيل بداية بثها الفيديوهات على مواقع التواصل الاجتماعي، قائلة: أنا من سنتين كنت بدأت أدخل على الفيس بوك والتيك توك أنا وأصحابي علشان أهزر بس وبعدين بدأت اتشهر من شهر من فيديو أنا كنت عملته بعد ما اشتريت حاجة من محل حلويات، فعملت فيديو بهزر فيه لقيت الفيديو انتشر ولقيت الناس عملولي فولو، وبدأت أنزل فيديوهات تانية كانت كلها هزار.
وتابعت: بعدين أصحابي قالولي طالما إنتي اتشهرتي يبقي لازم تطلعي لايفات علشان تكسبي من التيك توك وفيه ناس بعتولي هدايا علي التيك توك وكل اللي جالي الشهر ده 5000 جنيه وأنا كنت بطلع اللايفات دي مكنتش بقول حاجة فيها حاجة عيب، بس الناس كانوا علشان أنا كنت اتشهرت فكانوا بيبعتولي هدايا.
وأنكرت المتهمة، التهم المنسوبة لها من الاعتداء على القيم والمبادئ للمجتمع المصري بأن نشرت مقاطع مرئية ومسموعة تحتوي علي بعض الألفاظ الخارجة والإيحاءات الخادشة للحياة والمبينة بالأوراق.
