كان معهم صغير على كرسي متحرك.. أسرة ضحايا حادث الشاطبي تكشف التفاصيل قبل وفاتهم|خاص
تصدر حادث الشاطبي تريند منصات التواصل الاجتماعي خلال الساعات القليلة الماضية بعد وفاة 2 من أسرة واحدة بسبب تصادم ميكروباص بهم خلال عبورهم طريق الكورنيش بـ منطقة الشاطبي بـ الإسكندرية.
أسرة ضحايا حادث الشاطبي تكشف التفاصيل قبل وفاتهم
وقالت إحدى أقارب ضحايا حادث الشاطبي فى تصريحات خاصة لـ القاهرة 24: العيلة منزلتش النفق عشان معاهم ولد على كرسي متحرك عنده ضمور عضلات، ودلوقتي حالات المصابين حرجة ومحدش منهم يعرف بوفاة الأهل خالص ومتبلغوش لحد دلوقتي، وبالنسبة للناس اللي بتلوم على العيلة اللي ماتت دول ياجماعة كان بقالهم زمن مراحوش إسكندرية.
وتابعت: من ضمن الضحايا دكتورة تسنيم اللي اتخبطت مرتين من عربيتين وعملت عملية في العمود الفقري وعندها كسور في الحوض.
وفيه شيماء وهمس حصلهم كسر في الحوض وتهتك في أوتار الرجل، واللي كانوا عايشين من الأولاد شافوا أهلهم بيموتوا قصادهم ومعرفوش يعملوا حاجة.. وقت القدر يعمى البصر وده نصيبهم.. ادعوا للمصابين بالشفاء عشان حالتهم حرجة وكانوا مفروض هيعملوا عمليات بس اتأجلت لأنهم تعبانين.
وتلقت الأجهزة الأمنية إخطارا عن وقوع حادث تصادم ميكروباص في طريق كورنيش الإسكندرية الجهة المؤدية إلى محطة الرمل، وانتقلت قوات قسم شرطة باب شرقي وسيارات الإسعاف لموقع البلاغ
