تأخر المستحقات ومعاملة غير جيدة.. عمار ياسر يكشف تفاصيل أزمته داخل الزمالك
كشف عمار ياسر اللاعب الناشئ بنادي الزمالك عن أزمة يواجهها داخل جدران القلعة البيضاء في الفترة الأخيرة، بسبب عدم حصوله على مستحقاته المالية لدى النادي، بجانب شكواه من معاملته بشكل جيد عقب عودته مرة أخرى لفريقه في قطاع الناشئين بعد فترة قضاها ضمن الفريق الأول.
عمار ياسر يكشف تفاصيل أزمته داخل الزمالك
وعبر حسابه الرسمي على موقع التواصل الاجتماعي إنستجرام نشر اللاعب عمار ياسر ستوري قال فيه: أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده.
وأضاف: أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد من السنة اللي فاتت لحد دلوقتي بيجيلي عروض إعارة وبيع، وكلها كانت بترفض من غير ما أعرف مين السبب.
وواصل ناشئي الزمالك قائلًا: من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش. ولما أتكلم حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟.. بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه.
يذكر أن اللاعب عمار ياسر من مواليد 2005، وتم تصعيده للفريق الأول لفترة في وقت سابق، ويجيد اللعب في مركزي المهاجم والجناح الأيسر.
