رئيس قطاع ناشئي الزمالك: سنتواصل مع عمار ياسر لمعرفة احتياجاته
أكد بدر حامد رئيس قطاع الناشئين نادي الزمالك، أن عمار ياسر واحد من أبرز المواهب في قطاع ناشئين النادي الأبيض.
وخرج عمار ياسر خلال الساعات القليلة الماضية، ليشتكي من عدم حصوله على مستحقاته المالية لدى الزمالك على مدار سنة، عبر حسابه على موقع التواصل الاجتماعي إنستجرام.
وقال حامد في تصريحات إذاعية: عمار ياسر واحد من اللاعبين المهمة بالنسبة لنا ونحترمه للغاية وليس لدينا أي أزمات معه.
وأضاف رئيس قطاع الناشئين نادي الزمالك: ربما يكون عدم تصعيده للفريق فالأول وراء هذا الاستوري ولكن ليس هناك أي أزمة بخصوص اللاعب
واختتم بدر حامد تصريحاته قائلا: سنتواصل مع عمار ياسر لمعرفة احتياجاته وخلال ساعات الأمور ستكون على ما يرام.
وكان عمار ياسر قد ذكر خلال حسابه على موقع التواصل الاجتماعي: أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده.
وأضاف: أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد من السنة اللي فاتت لحد دلوقتي بيجيلي عروض إعارة وبيع، وكلها كانت بترفض من غير ما أعرف مين السبب.
وواصل ناشئي الزمالك قائلًا: من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش. ولما أتكلم حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟.. بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه.
