كندة علوش: عمرو يوسف بيحط روحه في الأعمال وانتظرت فيلم درويش على أحر من الجمر
أشادت الفنانة السورية كندة علوش بالمجهود الذي يبذله زوجها الفنان عمرو يوسف، في أعماله الفنية، وآخرها فيلم درويش، الذي يعرض حاليًا في دور العرض السينمائية.
وقالت كندة علوش في تصريحات تليفزيونية: عمرو لما بيدخل مشروع بيحط فيه روحه بكل المعاني علشان يطلع بأحسن شكل، والحمد لله ربنا بيوفقه، وفيلم درويش انتظرت على أحر من الجمر زي ما بيقولوا، الفيلم ده بالنسبة ليا لذيذ وفيه إنتاج عظيم من الأساتذة محمد حفظي وممدوح السبع.
وأضافت: إنك تعمل المرحلة دي مش حاجة سهلة، وهما عاملين مرحلة تاريخية، وعاملين لايت كوميدي، أنا بحب فريق العمل على المستوى الشخصي كلهم، كل اللي موجودين في الفيلم ممثلين رائعين.
عمرو يوسف: طلع عليا شائعات إني انفصلت عن كندة
وعلى جانب آخر، سبق وكشف الفنان عمرو يوسف حقيقة الأنباء التي انتشرت خلال الفترة الأخيرة حول انفصاله عن زوجته الفنانة كندة علوش، مشيرًا إلى أنه لا يهتم بمثل هذه الشائعات.
وقال في لقائه مع القاهرة 24: نزل على تيك توك شائعات إن أنا وكندة انفصلنا، قولت ده خبر عبيط محدش هيصدقه، دخلت أقرأ التعليقات لقيت الناس مصدقة إننا فعلا انفصلنا، وبيقولوا ليه اتطلقوا دول بيحبوا بعض، فدا شر لابد منه، أتمنى أنه ينتهي على خير.
وأضاف: أنا مش هرد على كل واحد، هرد لما يكون ناس محترمة واقفة أتكلم معاهم، لكن بتوع الشائعات اللي عايزين ريتش وتريند مش هرد عليهم.
