سيدة تستغيث من شركة تدعي تبعيتها لـ LG في الغربية: خدوا مني الثلاجة و7 آلاف جنيه وعملوا بلوك
استغاثت سيدة من شركة تدعي تبعيتها لـعلامة LG للصيانة في محافظة الغربية، قائلة إن الشركة أخذ الثلاجة لإصلاحها من منزل السيدة منذ 25 يومًا ولم تعدها، رغم سدادها مبلغ 7000جنيه تكلفة الإصلاح.
وزعمت السيد، أن الشركة لجأت لحظرها عند محاولتها الاتصال بهم.
سيدة تستغيث من شركة تحمل توكيل LG في الغربية
وقالت السيدة في تصريحات لـ القاهرة 24: ثلاجتي عطلت مني وطلبت صيانة LG بعد ماشوفت ليهم إعلانات على جوجل، لقيت شركة بتدعي إنها تحمل توكيل LG فاطمنت، ولما الفني جه وفحص الثلاجة قالي محتاجة بوردا وشحن وخدوا الثلاجة يومين ورجعوها لما شغلتها كانت بنفس المشكلة رغم إنهم أخدوا مني 5000 جنيه، كلمت الرقم اللي على شهادة الضمان اتفاجئت إنهم عملولي بلوك.
وأضافت: بعد فترة جه فني وخد الثلاجة وقالوا نصلحها في الورشة وطلبوا مني 7000ج، ولحد دلوقتي لسه مرجعوش الثلاجة وكل يوم أتواصل معاهم بس مفيش فايدة وكل شوية يقولونا وعود ملهاش لازمة أنا تعبت دي حاجة محدش يقدر يعيش من غير ثلاجة في بيته حسبي الله ونعم الوكيل، وكل شوية يقولولي هنرجعها هنجيبها تعبت والله ومش لاقيه معاهم حل.
