راغب علامة بعد أزمة صعود المعجبات على المسرح: مفيش حاجة بتأثر على تعاملنا مع المعجبين
علق الفنان اللبناني راغب علامة، على أزمة صعود المعجبات على مسارح حفلاته، وآخرهم المعجبة التي تسببت في أزمة له مع نقابة المهن الموسيقية في مصر، بسبب حفله الأخير في الساحل، بعدما صعدت على المسرح واحتضنته وقبلته.
وقال راغب علامة، في تصريحات تليفزيونية على هامش حفله الأخير في لبنان: إحنا جايين في الحياة مشوار، ممكن نعمل مشوار إيجابي وممكن نعمله سلبي، طيب ليه نعمله سلبي؟، خليه يكون إيجابي وفرح وخلي المعجبات يتبسطوا وخلينا نتبسط بيهم، خلي كل واحد قضى سهرة مع فنان يكون ذكرى حلوة في حياته، أنا أحيانًا يجيلي معجبة بتوريني صورها ووالدتها حامل فيها، وبتقولي أنا كنت في بطن ماما لما أنت كنت بتغني وبحب الأغنية دي، والحمد لله أننا استمرينا للجيل التالت.
وأضاف راغب علامة: أهلًا وسهلًا بأي حد بيطلع على المسرح، إحنا بنحبهم زي ما بيحبونا، ومفيش حاجة بتغيرنا وبتأثر على تعاملنا مع المعجبين، هما معجبين بيحبونا وبنحبهم، إحنا لو هنعمل شيء في السر مش هنعمله على المسرح.
التحقيق مع راغب علامة في نقابة المهن الموسيقية بمصر
ومن ناحية أخرى، تم التحقيق مع الفنان راغب علامة، يوم الثلاثاء الماضي وذلك بمقر نقابة المهن الموسيقية، وذلك بعد أزمة قُبلة المعجبة في حفله الأخير بالساحل الشمالي وفي أول تعليق من راغب علامة عقب تواجده في نقابة الموسيقيين لـ القاهرة 24 بعد التحقيق معه قال: النقابة كرموني بحلويات وفنجان قهوة.
ونفى راغب علامة وجود خلافات بينه وبين مصطفى كامل، إذ قال: الناس فاكرة إن بينا خلافات وإحنا كنا قاعدين جوا مفيش ملامة، بنشكركم على إنكم واقفين معانا ومع الفن العربي، والله يرحم تراب أم كلثوم وجيت النقابة أيام حسن أبو السعود والشعب المصري أكتر من حبيب والتواصل من خلال الفنون والنقابة بيتي الأول.
