شاب يزعم استلام أكياس بلاستيكية في طلب أمازون بدلا من هاتف محمول
في حدث غريب من نوعه، زعم أحد مستخدمي مواقع التواصل الاجتماعي، استلامه كرتونة بها أكياس فارغة من شركة أمازون بدلا من هاتف محمول سدد قيمته من خلال التطبيق الخاص بالشركة.
شاب يزعم العثور على أكياس بلاستيكية في طلب أمازون بدلا من هاتف محمول
وشارك أحد مستخدمي مواقع التواصل الاجتماعي منشورًا جاء فيه: زوجتي طلبت موبايل من أمازون، لكن للأسف استلمت كرتونة بها أكياس ثلاجة، وتواصلنا مع خدمة العملاء لكن الرد كان مستفز جدا وبيقولوا خلاص إنت استلمت الاوردر وإن عليه حماية.
وتابع: طبعا عملت بلاغ في حماية المستهلك لكن للأسف مفيش حل واعمل إيه علشان أرجع حقي.
ولاقى المنشور، موجة غضب واستياء عبر منصات السوشيال ميديا حيث كتب صاحب حساب: أنا بقالي فترة لما اشتري حاجة أونلاين بصور، عشان لو في حاجة يبقى معايا إثبات إن الشحنة وصلت كده وشركة امازون فعلا غير مهنية تماما.
وأضاف مستخدم آخر: مش أول مرة أمازون تعمل كده، كذا شخص طلب تليفون وبيتفاجئ إنه جاله منتج تاني خالص محدش يتعامل معاهم.
وكتب صاحب حساب آخر: أنا طلبت موبايل قبل كده وجالي طوبة مكانه حليت المشكلة ازاي، وقدمت ميل بالشكوى اللي بعتها لرئيس الشركة، بعدها بـ ٤٨ ساعة الفلوس كانت في حسابي.
