الزمالك يكشف حقيقة تسبب المول والكمبوند السكني في سحب أرض أكتوبر
علق كمال شعيب، المستشار القانوني لنادي الزمالك، على أزمة سحب الأرض المخصصة لإنشاء فرع النادي الجديد بمدينة 6 أكتوبر.
تصريحات المستشار القانوني لنادي الزمالك
وفي تصريحات تليفزيونية قال كمال شعيب: عندنا يقين بإذن الله إن الأرض هترجع تاني وإحنا ناشدنا الرئيس عبد الفتاح السيسي للتدخل لأن شايفين فيه خطأ حصل.. هو تقريبا حصل خطأ غير مقصود.. لان إجراءات نادي الزمالك كلها كانت قانونية.
وأضاف المستشار القانوني للزمالك: في شهر أبريل الزمالك حصل على موافقه مهمة جدا من الوزارة والجهات المعنية لزيادة نسبة البناء في أرض أكتوبر، وحصلنا على موافقات من الوزارة وهيئة الإسكان وكل الجهات.
وكشف شعيب حقيقة ما تردد عن سحب أرض الزمالك بسبب مشروع إنشاء مول وكمبوند سكني بالأرض المخصصة للنادي، قائلا: الموضوع ملوش علاقه بكمبوند ولا مول أصلا.. ده كلام لا يصح.. مفيش حد اتكلم في النقاط دي أصلا ولا الوزارة اتكلمت في القصص دي.. ده مش مشروع استثماري ده مشروع حياة لنادي الزمالك.
وأكمل شعيب قائلًا: الزمالك دفع تمن الأرض بالكامل وكل الأقساط مدفوعة.. إحنا شايفين في تعنت من الجهاز بتاع الأرض غير مبرر.. إحنا في تواصل مستمر مع كافة الجهات لحل الأزم.
