اليوم.. محاكمة متهم بإنهاء حياة سيدة في النهضة بالقاهرة
تنظر محكمة شمال القاهرة بالعباسية اليوم السبت، جلسة محاكمة متهم بإنهاء حياة سيدة بالنهضة بسبب خلافات الجيرة،
المتهم بإنهاء حياة سيدة النهضة
كشفت التحقيقات في قضية مقتل سيدة النهضة على يد جارها بسبب خلافات جيرة تفاصيل إنهاء المتهم حياتها عن طريق كتم أنفاسها، وتقطيع جثمانها لتوزيعها على صناديق القمامة لإخفاء آثار جريمته، ولكن انبعاث رائحة أجزاء من جثمان الضحية فضحت سره ودلت على جريمته.
كما أضافت التحقيقات باعترافات المتهم: اللي حصل إن الست سماح دي كانت بتنزل مياه من شقتها عليا باستمرار وكنت بقولها مرة واثنين وعشرة صلحي الماسورة، الشقة كلها ميه وفي كهرباء وأنا بتكهرب كل شوية مكنتش بترضي ولا تعمل حاجة حتى قولت لشخص يطلعلها وفعلا راحلها وقالها تصلح الحاجة عشان الشقة عندي فضلت تزعقله وقالتله أنا مش هعمل حاجة والراجل مشي من عندها وقالي أنا معرفتش أعمل حاجة.
وأضاف المتهم أمام جهات التحقيق: كانت دائمًا تتخانق مع السكان مع إنها كانت كويسة لكن فجأة حالها اتشقلب يمكن بسبب ضيق الحال معرفش مع إن الناس كلها كانت بتساعدها بما فيهم أنا، وكانت علاقتي بيها كويسة حتى كانت بتنزل تشتغل يومين ثلاثة ويمشوها وكانت بتقولي إن هم بيمشوها علشان عاوزين ناس أحلى وأجمل منها، وكانت عاملة مشاكل مع السكان كلهم وكانت بتعملهم قواضي وتقول واحد اتحرش بها ومرة واحد سرقها وكانوا كلهم بيتحبسوا.
