أنا مشوفتش بنتي بقالي سنة ونص.. أول تعليق من طبيب ادعت طليقته التعدي عليها أمام فيلا بأكتوبر
كشفت الطبيب المتهم بالتعدي على طليقته أمام فيلا بمدينة 6 أكتوبر على أثر خلافات بينهما، تفاصيل ومفاجأت حول الواقعة.
وقال الطبيب إسلام على فى فيديو نشره على موقع التواصل الاجتماعي فيسبوك، أن الخلاف الذى نشب فى الفيديو الذى انتشر على مواقع التواصل جاء بسبب رفض طليقته رؤيته لصغيرته على مدار سنة ونص معلقا: طليقتي ساكنه فى العمارة الي جمبي وحرماني من بنتي هي ووالدها.. بنتي متعرفنيش وطليقتي بتحاول تستفزني طول الوقت.
وأضاف إسلام: واقعة امبارح حصلت لأني لقيت بنتي فى عربية والد طليقتي وبيحاولو يخرجوها من الجراش عشان مشوفهاش، والراجل جيه جمبي وخبط العربية ولما روحت وراه عشان اساله اتهجم عليا وضربني وعضني فى أحدث اصابات متفرقة فى جسمي.
وتابع لما والدتي خرجت على الزعيق هي واختى تعدى عليهم بالضرب وانا مقدرتش أسكت لما شوفت المنظر ونشبت بينا مشادة، وانتقلنا إلى قسم الشرطة لتحرير محضر بالواقعة وتصالحنا فى القسم، واتفاجأت بانتشار الفيديو رغم التصالح ودا يعتبر تشهير وابتزاز من طليقتي وأهلها
من جانبه تفحص الأجهزة الأمنية بوزارة الداخلية، مقطع فيديو نشرته إحدى السيدات عبر صفحتها الشخصية بموقع فيس بوك، يظهر فيها أحد الأشخاص زعمت أنه طليقها، نشبت بينهما مشاجرة بألفاظ نابية وإشارات خارجة.
سيدة تستغيث من طليقها في أكتوبر
وزعمت السيدة في منشورها: أنا ميرنا أشرف صلاح، أنا ووالدي وبنتي الصغيرة 3 سنين، اتعرضنا للاعتداء من طليقي اللي اتطلقت منه بالمحكمة يوم 3 يونيو 2025.
وأضافت: كنا راكبين العربية أنا وبنتي ووالدي، وفجأة طليقي اللي ساكن جنبي في الفيلا اللي جنبنا مباشرة، كان مراقبنا طلع ورانا بالعربية في الحي الأول – ٦ أكتوبر، كسر علينا الطريق، ونزل يضرب والدي ويحاول يخطف بنتي بالقوة علشان يسفرها بره عند والده ومشفهاش تاني ويحرمني منها، مع العلم إنه من أكتر من سنة ما طلبش يشوف بنته ولا يصرف عليها جنيه، وبيقعد ينزل فيديوهات على وسائل التواصل الاجتماعي إني حرماه منها وده مش صحيح هو عنده حكم رؤية من المحكمة يشوفها ف النادي من شهر 12 ومادفعلهاش ولا مرة ومعايا إثبات ب كده.
