استأذنا من إمام الجامع والمسؤول.. أول تعليق من أسرة عروس جلسة التصوير بالمسجد |خاص
تداول مستخدمو مواقع التواصل الاجتماعي صورة لعروسين خلال وجودهما في سيشن تصوير بأحد المساجد، وهو ما أثار حالة من الجدل عبر مواقع التواصل الاجتماعي.
أول تعليق من أسرة عروس جلسة التصوير بالمسجد
وقال أحد أفراد أسرة عروس جلسة التصوير بأحد المساجد: فكرة السيشن الإسلامي جاتلنا من فكرة أننا عايزين نعمل حاجة مختلفة وفي نفس الوقت بمعايير إسلامية ومش حابين نغضب ربنا نهائي، أو ناخد ذنوب فا بعدنا عن فكرة القاعات والأغاني لأننا عيلة ملتزمة شوية، وكنا مستهدفين أننا نعمل كتب الكتاب في المسجد وبدأت أختي تشوف ولما شوفنا لقينا مسجد في ألمانيا عامل نفس فكرة السيشن في مسجد ودورنا لقينا مسجد في كرداسة ممكن نعمل فيه فكرة السشين وبالفعل عملناها وكانت حلوة جدًا.
وأضاف: مكنتش متوقع خالص الموضوع يوصل تريند ويعمل الضجة دي كلها لأني شايفه مش مستاهل بصراحة هو السيشن نفسه حلو وفكرة مختلفة بس الموضوع اتعكس وبدأت ناس تهاجم وتقول حرام تعمله كده في المسجد بس اللي عايز أوصله إن قبل أي حاجة استأذنا إمام الجامع والمسئول عنه، وبدأنا نظبط السيشن ووقت التصوير وكل التفاصيل دي.
