أول تعليق من أسرة صغار المنيا بعد اعترافات زوجة الأب: آخر حد توقعنا يعمل كده
كشفت التحريات الأولية، عن ملابسات مصرع أسرة بمركز دير مواس في محافظة المنيا، موضحة أن زوجة الأب الثانية وراء ارتكاب الواقعة.
أول تعليق من أسرة صغار المنيا بعد اعترافات زوجة الأب
وقال أحد أقارب ضحايا المنيا في تصريحات خاصة لـ القاهرة 24: آخر حد توقعنا يعمل كده هي زوجة الأب واللي اعترفت بارتكاب الجريمة بسبب الغيرة، دي المرأة التي غلبت الشيطان واحنا مصدومين فيها.
وتابع: كانت هادئة ومش باين عليها خالص إنها ممكن ترتكب جريمة بالشكل ده منتهى القسوة والجحود معندهاش قلب ولا ذرة إيمان بالله.
وتابع: أهلها تبرؤا منها ليوم الدين بسبب اللي عملته مفيش تعاطف معاها، زوجة الأب من عيلة كويسة وبنت ناس بس ده كيد النساء، والمتهمة اعترفت بارتكاب الجريمة دون أي ضغط من الجهات الأمنية.
واستكمل: أم الضحايا لسه في المستشفى بسبب الصدمة اللي عاشتها ومكنش في أي خلافات بينها وبين الزوج أو الأطفال اللي قتلتهم، والعيلة دلوقتي ارتاحت بعد ما المتهم الحقيقي ظهر للناس وهياخد جزاءه.
