ياسمين رئيس: كل حاجة بتمناها بتتحقق.. وغِرت لما ابني اتفرج على مسلسل اللعبة وقررت أعمل فيلم ماما وبابا
أعربت الفنانة ياسمين رئيس، عن سعادتها الكبيرة بفيلمها الجديد ماما وبابا، الذي تتعاون به مع الفنان محمد عبد الرحمن توتا، موضحة أن العمل مخصص للعائلة.
وقالت ياسمين رئيس، في تصريحات إذاعية: كنت نفسي أعمل حاجة أعرف ولادي وولاد أخويا يتفرجوا عليها معايا ويضحكوا ويبقوا مبسوطين، كنت حابة ده ودي أكتر حاجة كنت بفكر فيها ويمكن عشان أنا أم.
وتابعت ياسمين رئيس: غِرت بصراحة لما لقيت ابني بيتفرج على مسلسل اللعبة، قلت أنا عايزة أعمل حاجة الولاد يتفرجوا عليها ويضحكوا، والحمد لله كل حاجة اتمنيتها بتتحقق سواء حلوة أو وحشة.
وأضافت: نا اتمنيت أعمل فيلم زي فيلم ماما وبابا، والحمد لله جالي الموضوع واتبسطت جدًا، وعمري ما جربت إحساس أن الأطفال بتضحك وهي بتتفرج على فيلم ليا، وكان معايا ابني في العرض الخاص ودي أول مرة يحضر معايا، وهو وأصحابه وولاد أخويا قعدت معاهم ولما كانوا بيضحكوا كان من قلبهم، قلبي كان بيرفرف بجد.
فيلم ماما وبابا
ومن ناحية أخرى، يعرض حاليًا فيلم ماما وبابا، في جميع دور العرض السينمائية بمصر، وفيلم ماما وبابا بطولة محمد عبد الرحمن، ياسمين رئيس، وئام مجدي، حنان يوسف، خديجة محمد، محمد المحمدي وآخرين ومن تأليف رحمة فلاح وإخراج أحمد القيعي.
