مش بيعرفوني إنهم رايحين المقابر وجوزي مات بالسرطان.. أرملة إبراهيم شيكا ترد على ادعاءات والدته
كشفت والدة لاعب نادي الزمالك السابق، إبراهيم شيكا، عن أخر مستجدات بعد وفاة نجلها، حيث زعمت وجود شبهة استئصال أعضاءه قبل وفاته وعدم حصولها على نصيبها بالميراث الشرعي رغم تصالحها مع أرملته هبة التركي، مما دفعها للتقدم بطلب لتشريح جثمانه.
أرملة إبراهيم شيكا ترد على ادعاءات والدته
وظهرت هبة التركي أرملة إبراهيم شيكا، في فيديو عبر حسابها بـ تيك توك للرد على ادعاءات والدته، حيث قالت: أهل جوزي اللي بيقولوا مش معانا مفاتيح المقابر، أنا اصلا مش عارفة ولا انتوا بتقولولي انكم رايحين وجوزي مات بالسرطان.
وتابعت: أهل إبراهيم شيكا أنا قدرتهم وروحت لحد بيتهم وصالحتهم واحترمت العمدة اللي حاول يصلح بينا وكان نفسي أبني معاهم علاقة كويسة، ووقفت عند المحكمة ومعايا نصيبهم في الميراث بس رفضوا ياخدوه، وانا عملت اللي عليا عشان دول أهل جوزي وربنا يشهد على كده وربنا يكرمهم ويعرفوا أن ابنهم متوفى بالسرطان وصدقوني أن كل كلمة قالوها في حقي عند ربنا ومش مسامحه حد.
وتابعت: هتفضل في عين عيالك البطل اللي حارب السرطان، وكان كل أمله يعيش عشان يجهز مستقبل كيان ويشوف انس وهو بيلعب كورة، وأنا هحاول أعوضهم غيابك على قد ما أقدر.
واختتمت رسالتها قائلة: كل اللي حوالينا طلعوا شياطين على هيئة بشر، لكن انتقام السماء قادم وعدالة ربنا هتظهر في الدنيا قبل الآخرة.. رحمك الله وأذاقك الله من نعيم الجنة.
