سيدة ترفع دعوى خلع: زوجي بيمنعني من زيارة أهلي
تقدمت سيدة شابة بدعوى خلع أمام محكمة الأسرة، بسبب تعنت زوجها في منعها من زيارة أهلها.
وقالت إنها اتجوزت عن حب وكانت فاكرة حياتها هتبقى مستقرة، لكنها اتفاجئت بعد الجواز إن جوزها بيمنعها تزور أهلها أو تكلمهم بشكل طبيعي.
قضايا محكمة الاسرة
الزوجة أضافت في الدعوى: في أول الجواز كان بيقول لي تعالي نزور أهلك مع بعض وبعد فترة بدأ يمنعني بحجة إنهم بيتدخلوا في حياتنا، مع إنهم ناس بسيطة وما بيدخلوش في حاجة.
وواصلت: بقيت بالشهور مش بشوف أمي ولا أبويا، ولما أطلب منه نزورهم يقولي؛ مش محتاجين حد في حياتنا غيرنا، حتى التليفون ساعات ياخده مني عشان ماكلمهمش.
وأكدت إنها حاولت كتير ترضي جوزها وتشرح له إن علاقتها بأهلها حاجة طبيعية، لكنه كان بيعتبر أي زيارة ليهم خيانة ليه.
وقالت: الزواج مودة ورحمة، مش عزلة وتحكم.. وأنا مش قادرة أعيش مقطوعة عن أهلي.
وطلبت من المحكمة الخلع، مؤكدة أنها فقدت الأمل في تغيير أسلوب زوجها
