رضوى الشربيني توجه نصيحة للفتيات: مش شرط العوض يكون راجل.. وأهم صفة ميكونش مُفلس
وجهت الإعلامية رضوى الشربيني، عدة نصائح للفتيات بشأن العلاقات العاطفية مع الرجال، ناصحة بعدم العودة مرة أخرى بعد الانفصال.
وقالت رضوى الشربيني، في لايف عبر حسابها بموقع فيس بوك: جالي رسائل كتير أوي إزاي أرجع للإكس بتاعي، مش بنعمل كده طالما انتهى يبقى اللي بعده، مبنرجعلوش بنسيبه لحد تاني.
وتابعت رضوى الشربيني: العوض مش شرط يكون راجل، ممكن يكون شغل وحب الناس والصحاب والعيال وناس بتستم في وشنا وصاحب جدع، متنتظريش أن واحد خرج من حياتك النهاردة، يقوم ربنا يعوضك براجل تاني على طول، في حاجات تانية ربنا يعوضك بيها زي الفلوس.
وواصلت رضوى الشربيني: أهم صفة في الراجل أنه ميكونش مُفلس ماديًا وفي المشاعر والعطاء والثقافة والدماغ، واستخيري قبل ما تاخدي قرار مهم وإدعي ربنا يديكي علامة.
رضوى الشربيني
وعلى جانب آخر، سبق وعلقت الإعلامية رضوى الشربيني، على عودة الفنانة شيرين عبد الوهاب، لطليقها حسام حبيب، حيث كتبت تعليق لافت عبر حسابها على فيسبوك تعليقا مقتضبا على الإعلان قالت فيه: يا ألف خسارة.. وهو ما اعتبره كثيرون تعبيرا عن استيائها من القرار المفاجئ بعودة شيرين عبد الوهاب وحسام حبيب.
