تجربتي علمتني.. رضوى الشربيني في هي وبس: الحب مش كرة تنس والتخطي أجمل انتقام
في حلقة جديدة جريئة من برنامجها هي وبس، المذاع عبر شاشة DMC، أثارت الإعلامية رضوى الشربيني التفاعل بعد تصريحاتها، العلاقات، والتخطي، مؤكدة أن الاهتمام هو المعيار الحقيقي للمشاعر الصادقة، وأن الحب الحقيقي لا يعترف بالانشغال ولا يخضع لضغوط الحياة.
تصريحات رضوى الشربيني
في لهجة حاسمة، قالت الشربيني: مفيش أي ظروف، ومفيش أي شغل، ومفيش أي ريتم حياة سريع أو حتى بطيء يمنع بني آدم إنه يسأل عن حد بيحبه.
وأضافت: لو خطيبك شايف إنك من أولوياته، مش هيبطل يسأل عليكي حتى لو كان مشغول.. مش هينفع يقعد يوم ويومين وتلاتة ميعرفش عنك حاجة!
وعن تجربتها الشخصية، أوضحت الشربيني أنها ضد مفهوم الحب غير المشروط، وقالت: بحب العطاء يبقى رايح جاي، مش واقف عندي زي كرة التنس.. الحب محتاج تبادل واهتمام متبادل، مش من طرف واحد.
وفي واحدة من أكثر اللحظات تداولا من الحلقة، تحدثت الشربيني عن تخطي العلاقات السابقة قائلة: لما يبقى لا ساقع ولا سخن.. لا بحبه ولا بكرهه، لا بدعيله ولا بدعي عليه... ساعتها تعرفي إنك تخطيتي.
وأكدت أن عدم الاكتراث هو أرقى درجات التعافي العاطفي، مضيفة: شعور التخطي من أحلى الحاجات اللي ممكن تحصلنا.. الانتصار الحقيقي لما الشخص يبطل يأثر فيكي.
