عصام العرجاني يستجيب لـ القاهرة 24 ويتكفل بحالة عبقري الإسماعيلية
استجاب رجل الأعمال عصام العرجاني، لحالة الطفل علي صالح، صاحب فيديو الحسابات، وذلك بعد نشر القاهرة 24 تفاصيل استغاثة أسرته.
وذكر عصام العرجاني، أنه سيتكفل بحالة الطفل علي صالح.
عصام العرجاني يتسجيب لحالة عبقري الإسماعيلية
وظهر الصغير في فيديو تم تداوله بمواقع التواصل، وهو يحسب حسابات فائقة في وقت قياسي دون آلة حاسبة.
وفي نفس السياق، قال محمود صالح، شقيق الصغير علي في تصريحات خاصة لـ القاهرة 24: علي مبيعرفش يكتب ولا يقرأ.. إحنا على باب الله، ومش عارفين نهتم بالتعليم عشان ظروفنا المادية، ولكنه ذكي جدًا في الحساب، وبيعرف يحسب أرقام كبيرة في وقت قياسي.
وأضاف: علي داخل الصف السادس الإبتدائي، وإحنا أرزقية بنبيع درة، وعلي من صغره عايز يساعد في البيت عشان كدا بيشتغل في مسح العربيات وبيع المناديل، وله 5 إخوات وفيهم متعلمين، نفسنا ينجح في المدرسة، ويوم ما الفيديو اتصور مكناش نعرف واتفاجئنا بالتريند.
واستغاثت والدة الصغير علي صالح، قائلة: أمنية حياتي حد يتبنى موهبة علي في الحساب والرياضيات، ويعلمه صح ويأسسه في التعليم، لأن خسرنا كل حاجة نملكها بسبب حريق شقتنا، وهو موهوب وشاطر في التعليم بس إحنا معرفناش نهتم به بسبب الماديات، هو شاطر في الحساب وحافظ جدول الضرب، ونفسنا حد يساعده ويعلمه، هو ببيحس بينا وبيشتغل معانا وبيحاول يساعد في مصاريف البيت بعد ما شقتنا اتحرقت.
