أحمد حسن لـ شوبير: اهدى شوية ونصيحتي ليك ركز في شغلك انت بس ووفر نصايحك
حرص أحمد حسن نجم منتخب مصر السابق على توجيه رسالة إلى الإعلامي أحمد شوبير من خلال حسابه الرسمي على فيس بوك.
تصريحات أحمد حسن
وقال أحمد حسن عبر حسابه الرسمي على فيس بوك: الكابتن شوبير طالع يدينا نصيحة على الهواء وردي هيكون هنا على الهواء، لو حابب تتطوع بنصيحة فأكيد رقم تليفوني معاك وكمان أرقام المسؤولين في اتحاد الكرة المصري، ولو كانت النصيحة صادقة ولوجه الله أكيد نتقبلها ونشكرك كمان، لكن طالما الكلام على الهواء فالرد هيكون على شوبير هنا على الهواء.
وأضاف أحمد حسن: لمعلوماتك أنا أعمل مديرًا لمنتخب مصر المشارك في البطولة العربية (بتكليف ومتطوعا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا وعصام الحضري في القصة دي فهو أمر معتاد من سنين والجميع يراه ويشاهده ولم نراك يا كابتن يا كبير يوما تنصح أو تعترض ولكن طبعًا كلنا فاهمين دفعاك بقوة واستماتة واعتراضك ليه.
واختتم أحمد حسن تصريحاته، قائلا: كابتن اهدى شوية ونصيحتي ليك ركز في شغلك انت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وانت سيد العارفين.
