أسوأ حاجة في الدنيا لما تصحى على صدمة.. وروحت لدكتور نفسي وأنا عندي 16 سنة: أبرز تصريحات أحمد السعدني التلفزيونية
حل الفنان أحمد السعدني ضيفًا على الإعلامي أنس بوخش في البودكاست الخاص به ABtalks وخلال وجوده تحدث عن العديد من أموره الشخصية وعلاقته بـ أبنائه ووالده الراحل صلاح السعدني أيضًا، وعن اللحظات المؤلمة التي عاشها في فراق أم أولاده.
وفي السطور التالية نسرد لكم أبرز تصريحات أحمد السعدني:-
-كنت في البيت وكنت نايم فجأة لقيت ترزيع على الباب برة فأنا قايم من النوم خلاص وعارف إن فيه مصيبة.
- وأغبى حاجة في الدنيا لما حد يصحيك ويقولك خبر وفاة، ده يعتبر أسوأ حاجة في الدنيا.
-بتبقى عارف إن سُنّة الحياة هتفيد شخص غالي عليك بس مابتبقاش متقبل الفكرة.
-طول عمري مابحبش أتكلم عن حياتي الشخصية وأحب الناس تشوفني من شغلي فقط.
_التوتر مُصاحب ليا من كام سنة.
-مش عاوز أبقى سعيد وعاوز أتفاجأ بأي شيء واليوم العادي يوم عظيم ومع السن والتجارب فتكتشف ده وأنا عندي 45 سنة.
-عندي تناقضات وتصرفات أحيانًا مش بفهمها.
-عندي سِنة خوف لأن أنا طول عمري إنسان مش بحب المسئولية وبخاف على الناس اللي حواليا.
- طفولتي كانت عادية وبريئة وفيها مشاكل بحاول اكتشفها مؤخرًا.
-طفولتي مع أب مشهور كانت مضيقاني وبخاف على ولادي من ده ولما كنت بروح أي مكان الناس بتتلم علينا ومش بنبقى عارفين نقعد براحتنا.
ومن وأنا صغير مبحبش فكرة الشهرة والتمثيل مكنش في نيتي.
-تعلمت من والدي حاجات كتيرة وكلي من أبويا وهو كان رجل مثقف جدًا وإنسان جميل ولما كبرت فهمت كلامه.
- اللي مكنتش بفهمه وأنا صغير ومن الحاجات اللي قالهالي لما قولتله عاوز أمثل فكانت أهم نصيحة ليه قالي صدق اللي انت بتعمله ولو انت صدقته الناس هتصدقه.
- والدتي اتعلمت منها العطاء لأنها بحر من العطاء بشكل أوفر وبقعد أقولها ارتاحي.
ابني الكبير شبهي ومش بيحب التلامس وأنا كده بس مش مع ولاده.
