بعد إقامة العرض الخاص.. عارفة عبدالرسول تُشيد بتجربة فيلم ضي: دموعي نزلت بغزارة.. وربنا يرجع محمد منير بـ السلامة
أشادت الفنانة عارفة عبدالرسول بـ فيلم ضي، وذلك بعد مشاهدتها للفيلم ومشاركتها به كـ ضيفة شرف، مؤكدة أنها منذ مدة لم تشاهد فيلم مختلف بهذه النوعية، متمنيه الشفاء العاجل أيضًا للفنان محمد منير حتى يظل يُمتع الأجيال بصوته.
وكتبت عارفة عبدالرسول عبر حسابها بـ فيسبوك: دموعى نازله بغزاره ومش قادره أمنعها ماعرفش بقى دى دموع شجن ولا ايه بالظبط، لسه راجعه من العرض الخاص لفيلم ضى..وبقالى زمن ماشوفتش سينما جميله بالشكل ده.
وأضافت عارفة عبدالرسول:أماكن تصوير من قلب القرى المصريه عمرى ماشوفت قلب اسوان ولا الأقصر بالشكل ده..وبغض النظر انى ضيفه شرف فى الفيلم بس كل ضيوف الشرف عتاولة واللى فاجئنى الفنان أحمد حلمى فى دور عسكرى المطافى اللى وشه اتشوه وهو بينقذ أ طفال مرعب بجمال مش عادى وأعتقد الدور ده نقله كبيره للفنان.
وأردفت عن النجم محمد منير متمنيه له الشفاء العاجل: عارفين حته الكريز اللى فوق التورته والكل عينه عليها...دى كانت الكينج محمد منير اللى أول ماطل علينا وكل القلوب هفهفت من جمال طاقته وروحه وغناه اللى لسه اخضر
وتابعت: يرجع بـ ألف سلامه وعافيه ويشجينا كمان وكمان...انا قلبى فرحان ومزأطت وباقول للمخرج انت فعلاالمخرج الاهم....كريم الشناوي.
فيلم ضي
جدير بذكر أن أقيم أمس العرض الخاص لـ فيلم ضي، بطولة محمد ممدوح تأليف هيثم دبور وإخراج كريم الشناوي.
وحرص عدد كبير من النجوم على التواجد اليوم منهم أشرف عبد الباقي وابنته، هنا شيحة، يسرا اللوزي، أمير صلاح الدين، نورهان منصور، صبري فواز، كريم العدل، الطفل علي البيلي، صدقي صخر، جيهان خليل، رنا رئيس
