أحد المتهمين في قضية طفل المرور: طوني كلمنا قالنا المجني عليهم عاكسوا أختي قدام المدرسة ورحناله
كشفت التحقيقات في قضية طفل المرور و2 آخرين المتهمين باستعراض القوة والعنف وإصابة شاب أمام مدرسة بالمقطم، تفاصيل الواقعة.
أقوال المتهمين في قضية طفل المرور
وحصل القاهرة 24 على نص التحقيقات فى قضية طفل المرور حيث جاءت أقوال أحد المتهمين ويدعى إبراهيم.و.م، 20 سنة، طالب بالفرقة الأولى بالجامعة، بسؤاله ما قولك فيما هو منسوب اليك من أنك متهم بحيازة وإحراز سلاح أبيض (عصا) مما تستخدم في الاعتداء في الأشخاص دون مسوغ قانوني أو مبرر من الضرورة المهنية أو الحرفية وعلى النحو المبين بالأوراق؟
ج: أنا غلطان
س: ما الذي حدث إذا وما هي ظروف ضبطك وعرضك علينا؟
ج اللي حصل إن أنا كنت قاعد مع أحمد أبو المجد من كام يوم بنفطر مع بعض في كافيه وإحنا قاعدين جيه لأحمد تليفون من واحد صاحبه اسمه/ طوني قاله إن اخته اتعاكست من شباب معاها في المدرسة وإن هو محتاجه يجيله قدام المدرسة دلوقتي فأحمد قفل مع صاحبه وقالي تعالى وصلني قلتله فين قالي هنروح لواحد صاحبي علشان اخته معاها مشكلة قلتله يلا فصاحبه ده باعتله لوكيشن مشينا عليه لحد ما وصلنا عند مدرسة في المقطم معرفش اسمها ايه وقابلنا صاحبه طوني وركب معانا.
وتابع: ساعتها صاحبه قالنا العيال واقفين قدام فمشيت بالعربية بتاعتي لحد ملقيت طوني بيقول اقف هما دول العيال فوقفت وكنت فاكرهم هينزل يتكلموا مع العيال لقيت أحمد سحب العصايا بتاعتي من ورا ونزل بيها هو وطوني صحبه ضربوا العيال وواحد منهم وقع على الأرض فأنا اتخضيت وبعد كدا احمد وصاحبه ركبوا معايا العربية وجرينا وامبارح لقيت المباحث جاتلي على البيت خدوني وجيت النهاردة على النيابة.
من: متى وأين حدث ذلك؟
ج: الكلام ده حصل من حوالي 3 أيام مش فاكر امتى بالظبط حوالي الساعة / السابعة ص امام مدرسة بالمقطم وأنا اتمسكت من بيتي امبارح بالليل بالتجمع الخامس.
س: ما سبب ومناسبة تواجدك بالزمان والمكان سالفي الذكر؟
ج: أنا كنت قاعد مع أحمد أبو المجد صاحبي وجاله تليفون من واحد صاحبه قاله إن أخته بتتعاكس وطلب أحمد علشان يروحله وأحمد قالي تعالي معايا.
س: من كان برفقتك أنذاك؟
ج كان معايا أحمد أبو المجد واتقابلنا مع واحد صاحبه اسمه طوني.
س: ما هي علاقتك بكل من المتهمين المضبوطين في تلك الواقعة؟
ج: أنا معرفش غير أحمد أبو المجد ده صاحبي
س: ما هي علاقتك بكل من المجني عليهم تفصيلًا؟
ج: انا معرفش حد منهم
س: وهل من ثمة خلافات سابقة فيما بين أحد المتهمين والمجني عليهم؟
ج: أنا سمعت إن في خلافات بين طوني صاحب أحمد أبو المجد وحد من المجني عليهم معرفش اسمه.
س: وما هي تحديدًا تلك الخلافات وأسبابها؟
ج أنا سمعت لما طوني كلم أحمد أبو المجد إن أخته اتعاكست من المجني عليهم.
