فوجئت بعصا بيسبول مع أحمد بيضرب المجني عليه بيها.. أقوال أحد المتهمين في قضية طفل المرور
كشفت التحقيقات في قضية اتهام طفل المرور و2 آخرين، باستعراض القوة والعنف وإصابة شاب أمام مدرسة بالمقطم، تفاصيل الواقعة.
أقوال أحد المتهمين في قضية طفل المرور
وحصل القاهرة 24 على نص التحقيقات حيث جاءت أقوال أحد المتهمين ويدعى طوني.ش.ص، بسؤاله ما قولك فيما جاء بمحضر جمع الاستدلالات من أقوال ( تلونا عليه تفصيلا ) ؟
ج اللي حصل أنا قلت عليه.
س: ما قولك فيما جاء بأقوال المجنى عليهم بتحقيقات النيابة ( تلوناه عليه تفصيلا )؟
ج: اللي حصل أنا قلت عليه.
س: ما قولك فيما جاء بتحريات وحدة البحث الجنائي بقسم شرطة المقطم والمحررة بمعرفة النقيب / طارق ممدوح ( تلوناه عليه تفصيلا )؟
ج: اللي حصل أنا قلت عليه.
س: ما قولك فيما جاء باقوال مجرى التحريات بتحقيقات النيابة العامة ( تلوناه عليه تفصيلا )؟
ج اللي حصل انا قلت عليه
س: ما قولك فيما جاء بأقوال شهود الواقعة بتحقيقات النيابة العامة ( تلوناه عليه تفصيلا )؟
ج: اللي حصل أنا قلت عليه
س ما قولك فيما جاء بأقوال المتهمين بتحقيقات النيابة العامة ( تلوناه عليه تفصيلا )؟
ج هما قالو كده عشان إحنا كنا رايحين أنا وبابا وماما نعمل شكوى في المدرسة في محمود ونصر وواحد ثانی اسمه آدم عشان دي مكانش أول مرة يعملوا مشكلة مع روز النيدا لأنهم حاولوا يشتموها شتايم وحشة وفعلا أنا كلمت أحمد وقولتله على اللي حصل وقالي أنا هاجي معاك وتشوف الموضوع ده.
وأضاف، وفعلا انا روحت المدرسة مع بابا وماما وبعدين أحمد كلمني قالي انا قربت أوصل قصاد المدرسة وفعلا وصل وکلمني وأنا سبت ماما وبابا وطلعتله بره وووقفت قدام العربية وبعدين أول ما يوسف ومحمود ظهروا أنا شاورت عليه ل أحمد وقولتله ده اللي مضايقني وبعد كده حصل اللي حصل وأنا مشوفتش أحمد إن كان معاه حاجة جوا العربية وأنا استغربت هو جاب منين عصا بيسول اللي ضرب بها يوسف.
س: هل توجد علاقة أو خلافات فيما بينك وبين المتهمين ؟
ج مفيش بيني وبينهم أي خلاقات.
س: هل يوجد علاقة أو خلافات فيما بينك وبين المجني عليهم ؟
ج أنا مفيش بيني وبينهم أي خلافات.
س: أنت متهم بالاشتراك مع كلا من / أحمد أبو المجد عبد الرحمن وآخرين باستعراض القوة والتلويح بالعنف ضد المجنى عليهم وكان ذلك بقصد ترويعهم وتخويفهم وإلحاق الأذى بهم وكان من شأن ذلك تعريض حياتهم وكذا حياة المواطنين وأمنهم وسلامتهم للخطر وكان ذلك حال كونكم أكثر من شخصين مستخدمين أسلحة بيضاء ؟
ج محصلش
س: أنت متهم بإحداثك عمدا مع سبق الإصرار بالمجنى عليهم الإصابات الموصوفة بالتقرير الطبي والتي أعجزتهم عن أشغالهم اليومية مدة قد جاوزت 20 يوما.
ماحصلش
