ردًا على الشائعات.. أحمد السقا: كريم عبد العزيز متدخلش للصلح بيني وبين مها الصغير
علق الفنان أحمد السقا على أزمته الأخيرة بعد طلاقه من زوجته السابقة الإعلامية مها الصغير، مؤكدًا أن الفنان كريم عبد العزيز لم يتدخل للصلح كما أُشيع.
وقال أحمد السقا خلال ندوته بـ القاهرة 24: كريم عبد العزيز متدخلش للصلح بيني وبين مها الصغير ولا أي حد تدخل في ده، ومش صحيح الكلام اللي اتقال واللي نشره عارف هو بيعمل إيه.
أحمد السقا يتحدث عن جدل طلاقه من مها الصغير
كما تحدث أحمد السقا عن جدل طلاقه من مها الصغير، قائلًا: سبحان مبدل القلوب، وارد جدًا تبقى قاعد مع فلان وتاني يوم ميبقاش موجود، لكن أنا ومها متخانقناش ولا شتمنا بعض ولا مدينا إيدينا على بعض، أنا لن أقبل عليها أي كلمة، ولما حد بييجي يكلمني عليها بقوله أسكت عشان مخيطش بوقك.. لأن دي أم أولادي ومش هسمح حد يجيب سيرتها بحاجة، البلاغات اللي حصلت تخص شخص مش هنزل لمستواه، ولو نزلت لمستواه أكيد ربنا هيكون أرحم عليه مني فـ أنا مش هشتبك.
وأردف أحمد السقا: الموضوع طبعا أثّر عليّا جدًا في البداية، قعدت 26 يوم مش عارف أكل ولا أبلع ووزني نزل جدًا، طبعا كنت مضايق.. أصل هتسد بُق 120 مليون إزاي وبعدين اللي حصل حصل وأنا بره مصر ومش موجود.
