عروس مصر القديمة ضحية طليقة خطيبها خلال التحقيقات: خدي اتفتح نصين| خاص
كشفت التحقيقات في واقعة اعتداء سيدة مطلقة على عروس طليقها وتدعى منصورة، وتشويه وجهها باستخدام شفرة حادة، قبل أيام قليلة من موعد زفافها بمنطقة مصر القديمة، تفاصيل الواقعة.
عروس مصر القديمة
وحصل القاهرة 24 على نص التحقيقات، حيث جاءت أقوال المجني عليها أمام جهات التحقيق كالأتي:
س: متى وأين حدث ذلك؟
ج: الكلام ده بدأ من يوم 2025/8/24 الصبح لما حطيت صورة كتب الكتاب ومريم طليقة خطيبي جاتلنا وعملت فيا كده في نفس اليوم حوالي الساعة 10 بالليل في عزبة خير الله عند المعهد الديني.
س: ما سبب ومناسبة وجودك بالزمان والمكان سالفي الذكر؟
ج: أنا كنت لسه مروحة من الشغل.
س: من كان برفقتك آنذاك؟
ج: كان معايا ندي بنت عمتي وعمتي أمل محمد محمود.
س: وهل هناك علاقة أو خلافات سابقة بينك وبين المتهمة؟
ج: أنا مكنش ليا علاقة بينها قبل كده غير إني قابلتها مرة واحدة في فرح ومكنش فيه مشاكل لحد ما عرفت إن أحمد طليقها عاوز يتجوزني.
س: ما هي ظروف تقابلك بالمتهمة تحديدًا؟
ج: أنا كنت لسه مروحة وهي جات وقعدت تزعق وفجأ لقيت خبطة جات في وشي ومريم بتجري بعيد عني وبحسس على وشي لقيت خدي مفتوح والناس في الشارع شافوها وقالو إن مريم عورتني.. راحت مريم جريت تداري في الرجالة اللي مشفوش حاجة وأنا أغمى عليا وفقت لقيت نفسي في قسم مصر القديمة.
س: وهل من ثمة حوار دار بينك وبين المتهمة آنذاك؟
ج: لا هي جات قعدت تزعق وتشتم فينا وكانت واقفة متدارية في خطيب ندي راحت ندي اتخانقت معاها بس من غير ضرب أو حاجة.
س: وهل أبصرت أية أسلحة أو أدوات حوزة المتهمة حال تعديها عليك؟
ج: لا أنا مشفتش حاجة معاها لأنها ضربتي في ثانية وهي لما عورتني أنا مكنتش باصة على أيدها بس أكيد كان معاها سلاح.
س: وكيف وقفت على حملها سلاح أبيض تحديدًا؟
ج: عشان الإصابة اللي في وشي متجيش غير من سلاح أبيض.
س: وما هي مظاهر التعدي عليك تحديدًا؟
ج: هي ضربتي في وشي بحاجة وجريت بعيد.
س: أين استقرت تلك الضربات تحديدًا؟
ج: استقرت في خدي الشمال.
س: وبأي يد كانت المتهمة ممسكة للسلاح الأبيض تحديدًا؟
ج: بأيدها اليمين.
س: وهل لحق بك أي إصابات من جراء ذلك التعدي؟
ج: أيوة.
س: صفي لنا تلك الإصابات تحديدًا؟
ج: أنا خذي اتفتح نصين وحدث فيه واحد وأربعين غرزة.
س: وهل كان بإمكان المتهمة موالاة التعدي عليك؟
ج: أيوه.
