خروج زوج ميار الببلاوي من العناية المركزة بعد استقرار حالته الصحية
كشفت الفنانة ميار الببلاوي، مستجدات الحالة الصحية لـ زوجها، بعدما خضع لعملية جراحية بالقلب عقب إصابته بجلطة في القلب، مطالبة الجمهور بالدعاء له بتمام الشفاء.
وقالت ميار الببلاوي، في تصريح خاص لـ القاهرة 24: زوجي الحمد لله اتحسن عن الأول وخرج من العناية المركزة وحالته الصحية في استقرار.. ادعوا له بتمام الشفاء.
تفاصيل الحالة الصحية لـ زوج ميار الببلاوي
ومن ناحية أخرى، سبق ودخلت ميار الببلاوي، في حالة انهيار خلال الحديث عن حالة زوجها الصحية، حيث قالت في تصريح خاص لـ القاهرة 24: جوزي كان مسافر السعودية ودي بلده بيسافر هناك على طول، وأنا كان قلبي مقبوض وقولتله متسافرش أنا مش مطمنة، رجعت من البرنامج كان عندي صداع خدت علاج ونمت، صحيت لقيت مدير أعماله بيكلمني وقالي إن جوزي تعب في الطائرة وراح العيادة بتاعة المطار وبعدها اتنقل المستشفى وعنده جلطة، دي الجلطة رقم 3 هو كان مركب دعامات مرتين قبل كده، الجلطة للمرة الثالثة خطر جدًا، ادعوا له يرجعلي بالسلامة.
وواصلت ميار الببلاوي: أنا هموت علشانه ومش عارفة أسافر له لسه ورقي مخلصش، لو كان هنا كنت بقيت تحت رجليه، ولكن هو بعيد عني ومش عارفة أعمل إيه وهموت علشانه، من يوم فرح ابني مشوفتش يوم كويس، مشاكل وجوزي وقع مننا، ربنا يستر ويعديها على خير.
