كان في تعداد الموتى.. عودة محمد سلامة بعد 33 سنة غياب فاقدًا للذاكرة لأسرته بالشرقية: ساعدوني أبدأ حياتي
عاد محمد سلامة إلى أسرته بعد غياب استمر 33 عامًا، في واحدة من أغرب القصص الإنسانية، حيث كان مدرجًا في الأوراق الرسمية ضمن تعداد الموتى قبل أن يظهر مجددًا وسط فرحة عارمة من عائلته.
محمد سلامة العائد لأسرته بعد غياب 33 عامًا لفقده الذاكرة: انضربت على دماغي ومكنتش فاكر حاجة
ويروي محمد سلامة، البالغ من العمر 49 عامًا، تفاصيل اختفائه وهو في السادسة عشرة من عمره لـ القاهرة 24 قائلا: فقدت الذاكرة بعد ما اتضربت على دماغي، ومكنتش فاكر حاجة طوال السنين اللي فاتت، وكان نفسي ألاقي أهلي، لكن للأسف أمي ماتت من غير ما تشوفني.
وأضاف: واحد لقاني سايح في دمي وأنا صغير، خدني على المستشفى وقعدني عنده سنتين، وبعدها رحت بورسعيد اشتغلت في شركات النظافة، وكنت بنام في الشارع، شوفت بهدلة محدش شافها، ولما كنت بتعب مكنش فيه حد جنبي مليش أهل ولا حد يخاف عليا.
محمد سلامة العائد لأسرته بعد غياب 33 عامًا لفقده الذاكرة: نفسي أشتغل جنب أهلي بالشرقية
وتابع: أنا عايز أتعالج واشتغل وأطلع بطاقة شخصية لأني لحد دلوقتي في تعداد الموتى بحكم القانون، ونفسي اشتغل بعقد في عامل في المحليات أو عامل في أي مدرسة، ومنهم لله اللي كانوا السبب في بعدي عن أهلي بالشرقية.
بدأت أسرة محمد سلامة في اتخاذ الإجراءات القانونية اللازمة، وذلك لإزالته من دفاتر الموتى، واستخراج الأوراق الثبوتية لشخصيته وذلك بعد إجراء تحليل DNA، وسط حالة من الفرحة والمباركات بين أبناء قريته.
