أحمد حسن: بقينا في فترة كل من هب ودب بياخد لقطة وبيعيش دور الوطنية
حرص أحمد حسن، قائد منتخب مصر الأسبق، على التعليق بشان الأزمة التي أثيرت خلال الفترة الماضية مع الإعلامي أحمد شوبير، بعد تعليقه على فيديو لـ أحمد حسن وعصام الحضري.
تصريحات أحمد حسن
وقال أحمد حسن في تصريحات مع الإعلامي سيف زاهر: إحنا شغالين، وبنجتهد وبنتقبل أي نقد محترم، ولكن بقينا في فترة كل من هب ودب بياخد لقطة وبيعيش دور الوطنية.
وأكمل: مش أحمد حسن والحضري اللي يتاخد عليهم لقطة على حس الوطنية، وأنت لو عايز تدي نصيحة وبيني وبينك عشرة ارفع سماعة التليفيون وكلمني.
وتابع: لكن ناخد الموضوع في سكة تانية ده اللي غلط واستفزني والأسباب مش هتكلم فيها دلوقتي، ونعدي المعسكر وهيبقى لينا كلام تاني لكل اللي حصل منه تجاوز.
واختتم تصريحاته قائلا: ببارك للكابتن حسام حسن الفوز على إثيوبيا، وإن شاء الله منتخب مصر يفوز على بوركينا فاسو، ونتأهل إلى كأس العالم 2026، والمنتخب الثاني بقيادة الكابتن حلمي طولان، يتم فيه تجهيز اللاعبين تحسبًا لاختيار حسام حسن لأي لاعب منهم.
