رفض استئناف المتهمة بتشويه عروس مصر القديمة وتأييد قرار حبسها 15 يوما احتياطيا
قررت جهات التحقيقات المختصة بالقاهرة رفض الاستئناف المقدم من مريم المتهمة بتشويه وجه عروس مصر القديمة وتأييد قرار حبسها احتياطيا 15 يوما على ذمة التحقيقات في واقعة تعديها على المجني عليها واحداث جرحا 41 غرزة بوجهها في مصر القديمة.
وكانت قد كشفت التحقيقات في واقعة اعتداء سيدة - مطلقة - على عروس طليقها وتدعى منصورة، وتشويه وجهها باستخدام شفرة حادة، قبل أيام قليلة من موعد زفافها بمنطقة مصر القديمة، تفاصيل الواقعة.
اعترافات المتهمة بتشويه وجه عروس مصر القديمة
وحصل القاهرة 24 على التحقيقات في قضية تشويه وجه عروس مصر القديمة، وبمثول المتهمة مريم. ا. ع. ا أمام جهات التحقيقات المختصة، متي وأين حدث ذلك؟
أجابت: هي نزلت المنشور من حوالي عشر أيام والخناقة كانت يوم الأحد اللي فات الساعة 10 بالليل في عزبة خير الله عند المعهد الديني وانا اتاخدت من بيت طليقي في المطرية.
س: ما مناسبة وجودك بالأماكن والأزمنة آنفة البيان؟
ج: روحت عند بيتهم عشان أعاتب أم منصورة على غلط بنتها فيا ومصطفى كان مفهمني إنهم هيأدبوها راحوا مسكو فيا وشدوني من الطرحة وبعد منصورة ما اتعورت أنا خفت ورحت أقعد عند خالتي لحد ما طليقي كلمني ورحت بيت طليقي بعدها بيومين وقعدت عنده.
س: من كان برفقتك آنذاك؟
ج: وقت ما المشكلة حصلت كان معايا مصطفي.و.ع، ولما اتمسكت كان معايا طليقي أحمد.س، وشهرته أحمد الأبيض.
س: ما علاقتك بالمجني عليها منصورة- وهل توجد خلافات سابقة على تحرير المحضر؟
ج: مكنش في أي حاجة بيننا قبل كده هي اللي بدأت مشاكل معايا بعد ما باركتلها على موضوع جوازها من طليقي ده
