كابتن منتخب مصر للأطفال بلا مأوى بعد لقاء شيكابالا: شرف كبير ليا.. وقبل ما أشوفه كنت مرعوب جدًا
عبر مصطفى شيكا كابتن منتخب مصر للأطفال بلا مأوى عن سعادته الغامرة بلقاء نجم الكرة المصرية محمود عبد الرازق شيكابالا.
وقال مصطفى شيكا في تصريحات خاصة لـ القاهرة 24: شرف كبير ليا الكابتن شيكابالا المحترم فرحني أوي والله، واتكلم معايا وماسبنيش، راجل محترم وجميل والله العظيم، شكرًا يا كابتن مصر.
وأضاف شيكا: بالنسبالي اللي حصلي ده أحسن حاجة حصلتلي في حياتي، وكمان مضالي على تيشيرت الزمالك، وبسبب أني زمالكاوي فالموضوع ده بالنسبالي حاجة كبيرة أوي، وقبل ما أشوفه كنت مرعوب جدًا.
وفي هذا السياق، وعد شيكابالا بمتابعة لاعبي منتخب مصر للأطفال بلا مأوى، موضحًا أنه في حالة وجود عناصر مميزة، ستتاح لهم فرصة الانضمام إلى فريق G، الذي يتولى رئاسته.
وفي تصريحات سابقة لـ القاهرة 24، كشف مصطفى شيكا عن الصعوبات التي واجهته قبل تحقيق هذا الإنجاز، قائلًا: أنا عندي 34 سنة وساكن في ميت عقبة، والدتي توفيت وأنا صغير، ووالدي سابني وقعد في طنطا، وكنت بشتغل وأصرف على نفسي لوحدي، ورغم كل ده فضلت متمسك بحلمي في الكورة.
وأضاف مصطفى شيكا: أهل المنطقة كانوا بيقولوا عليا لاعب حريف، واللقب 'شيكا' جه من لعبي للكرة، لأني من زمان بعشق رونالدينيو وشيكابالا.
ويُعد هذا اللقاء خطوة هامة لدعم المواهب الشابة في مصر، وإتاحة الفرصة للأطفال الموهوبين من أصحاب الظروف الصعبة لتحقيق أحلامهم في عالم كرة القدم.
