سماح أنور: امرأة واحدة لا تكفي لمعظم الرجال.. ولو في إيديهم مفتاح العلاقة هيدمروها
تحدثت الفنانة سماح أنور، عن رأيها في فيلم امرأة واحدة لا تكفي، موضحة أن معظم الرجال لا يكتفون بـ امرأة واحدة على الأغلب، موجهة بعض النصائح للسيدات بخصوص العلاقات العاطفية.
وقالت سماح أنور، في تصريحات إذاعية: امرأة واحدة لا تكفي لمعظم الرجال، لأن الإنسان بطبعه بيمل والراجل بطبعه ملول جسديًا وكمان على المستوى النفسي والعصبي مش عايز يسمع كلام كتير وأي ست بتتكلم كتير، والست لما بتتضايق مبتعرفش تقول اللي مضايقها على طول، وبالنسبة للراجل متكلميهوش بلوم وعتاب وفي نفس الوقت هيعملك اللي أنتي عايزاه.
وتابعت سماح أنور: الست متعرفش تبقى ست من غير عطاء، هي اللي بتعمل كل حاجة، والراجل لو اديتي له مفتاح العلاقة هيدمرها، الست اللي عايزة الراجل فعلًا لازم تبقى محتوياه.
سماح أنور: اتعلمت الحب من أبويا وأمي
كما تطرقت سماح أنور في حديثها لوالديها الراحلين، قائلة: أبويا وأمي أتوفوا في نفس الأسبوع، كان بيكلمها قبل ما يمشي بـ 10 دقائق وفتح عينه وقالها هي دي بقى الجنة يا سعاد وبعدين توفى، كانوا قصة حب أكتر من 50 سنة، واتعلمت الحب منهم مش بتاع السيما.
