أحمد سعد عن شقيقه الدكتور سامح: بيغني حلو أوي.. والأمخاخ مش لايقة على بعض
تحدث الفنان أحمد سعد، عن شقيقه العالم المصري الدكتور سامح سعد، كاشفًا موهبة شقيقه بالغناء لأول مرة.
وقال أحمد سعد، في لقائه مع الإعلامية منى الشاذلي، في برنامجها معكم: سامح لما بيقعد معايا بيحس أن في حاجة نزلت من الفضاء من كتر ما الأمخاخ مش لايقة، وبقوله عايز أروح أتفرج على أصحابك العلماء لأن ليهم شكل معين، وهو بيغني حلو أوي، وأمي ربتنا على أن أهم حاجة التعليم.
أحمد سعد: عمرو نجمي المفضل ويجمعنا عمل فني قريبًا
ومن ناحية أخرى، سبق أن تحدث الفنان أحمد سعد، عن شقيقه عمرو موضحًا أنه سيجمعهما عمل فني قريبًا، قائلًا: عمرو سعد نجمي المفضل وأنا بحبه على المستوى الشخصي، ومش بس عشان هو أخويا ولكن هو أخ لذيذ وإنسان جميل، وديمًا معايا ومبيسبنيش في أي حاجة.
وعن كواليس أغنية أخويا تابع: لما جيت طلبت منه يطلع معايا في أغنية أخويا كانت حاجة غريبة مني لأن مينفعش أطلب من نجم كبير زي عمرو ولكن هو خد الموضوع بحب وإن شاء الله يبقى في بينا تعاون فيلم قريبًا.
