هند صبري: قبلت عايزة أتجوز لكسر هوس الزواج لدى الفتيات.. ولو سألنا البنات عن أحلامهن مش هيكون الفرح
كشفت الفنانة هند صبري سبب قبولها لمسلسل عايزة أتجوز، الذي حصل على إعجاب الجمهور منذ عرض أولى حلقاته، وما زال حتى الآن ينجح في استقطاب شريحة جديدة من الجمهور.
وقالت هند صبري خلال ندوتها في كونجرس العربية والصناعات الإبداعية: أكتر حاجة خلتني أعمل مسلسل عايزة أتجوز هو رغبتي في كسر هوس الزواج، ولو سألنا دلوقتي الفتيات عن أقصى أحلامهم، مش هيكون يوم الفرح مع أنه يوم حلو.
تصريحات النجوم عن مسلسل عايزة أتجوز
سبق وكشف الفنان أحمد السقا كواليس تصوير حلقته مع الفنانة هند صبري في مسلسل عايزة أتجوز، إذ قال خلال ندوته في القاهرة 24: هند صبري كلمتني قالتلي هنصور ساعتين بس، هند أختي وأفضالها كتير عليّا، فـ روحت أصور ووقتها كنت عامل عملية في الأحبال الصوتية وصوتي المتغير ده كان بجد مش قاصده.
وتابع: خرجت من المستشفى عليهم، أول مشهد صورناه اللي كنت بدور فيه في الشقة، وكان فيه مشهد المطاردة وقولت لـ أستاذ رامي أكيد مش هتخلص كدة ولازم يورطها في مصيبة، كلمت عمرو مجايفر وجه وعملنا مشهد العربية وكله في 6 ساعات، وهند نزلت الدواسة بجد والمخرج ثبت الكاميرا وسابنا نرتجل وقال معاهم ربنا.
مسلسل عايزة أتجوز من بطولة الفنانة هند صبري، سوسن بدر، طارق الإبياري، والعديد من ضيوف الشرف مثل أحمد السقا، وعمرو يوسف، يوسف الشريف، أحمد رزق، هاني عادل، نضال الشافعي، غيرهم من نجوم فن، العمل من إخراج رامي إمام.
