ملك أحمد زاهر: والدي من أحسن 3 ممثلين في مصر
علقت الفنانة ملك أحمد زاهر، على تشبيهها في مسلسلها الأخير أزمة ثقة، بتمثيل والدها الفنان أحمد زاهر، معربة عن سعادتها الكبيرة بالتشبيه موضحة أن والدها من أفضل 3 ممثلين في مصر من وجهة نظرها.
وقالت ملك أحمد زاهر، في تصريح خاص لـ القاهرة 24: بتبسط أوي لما بتشبه بوالدي لأنه بالنسبة ليا أحسن ممثل في العالم، مش علشان والدي ولكنه من أحسن 3 ممثلين في مصر ده في رأيي، وتشبيهي بيه شهادة وشرف كبير.
ملك أحمد زاهر: متوقعتش نجاح مسلسل أزمة ثقة.. والشخصية أثرت على نفسيتي
كما تحدثت ملك أحمد زاهر، عن تجربة مسلسل أزمة ثقة، قائلة: مكنتش متوقعة ردود الفعل دي، أنا عارفة إني تعبت وإني عاملة مجهود والشخصية مختلفة وجديدة، ولكني مكنتش متوقعة الكم ده من الردود الفعل الإيجابية دي على الدور وأنا ممتنة جدًا للجمهور.
أما عن تأثير الشخصية عليها، فعلقت ملك أحمد زاهر: أثرت عليا نفسيًا جدًا، أنا كنت محتاجة معايا دكتور نفسي طول المسلسل وبعده، لأن الموضوع كان صعب جدًا، الواحد لو بيصور شخصيتين في عملين مختلفين الموضوع بيبقى صعب، ما بالك بتعملي شخصيتين في نفس المشهد ولازم يكون عندك أداءين مختلفين والموضوع كان بيأثر على أعصابي جدًا.
