عمرو يوسف: الطفرة الفنية في السعودية قطار لا يتوقف.. ومسحبوش البُساط من المصريين زي ما بيتقال
علق الفنان عمرو يوسف، على الأحاديث المنتشرة مؤخرًا عن سحب البساط الفني من المصريين في المملكة العربية السعودية خلال الفترة الأخيرة، وذلك بعد النجاح الكبير الذي حققه الفنانين المصريين في موسم الرياض على مدار السنوات الماضية.
وقال عمرو يوسف، في ندوته بالقاهرة 24: الطفرة الفنية اللي حصلت في السعودية الفترة اللي فاتت واضحة وضوح الشمس ومش محتاجين نتكلم عنها، اللي بيحصل هناك مش طبيعي، قطر طالع من المحطة لا يتوقف، في رؤية واضحة للي هما عايزيه وماشيين بخطوات ثابتة ودي خطوة مفيدة للصناعة جدًا.
وتابع عمرو يوسف: لعبة سحب البساط من المصريين ده كلام فاضي، مفيش سحب بساط ولا حاجة، المسرحيات اللي هناك كل اللي شغالين فيها سواء مهندسين إضاء أو صوت أو مخرجين مصريين، اللي شغالين هناك شغالين هنا كمان، بينجحوا هنا وهناك، ليه بندي للأمور أبعاد مش حقيقية؟.
واختتم عمرو يوسف: لو عملنا مسرحية في دبي ونجحت هنقول سحب البساط؟، أشمعنى يعني؟، ده كلام مش مظبوط.
عمرو يوسف: فيلم درويش كان رهان
وعلى جانب آخر، يعد فيلم درويش أحدث أعمال عمرو يوسف، وسبق وتحدث عنه بندوته في القاهرة 24، حيث قال: حماسي في العرض الخاص لفيلم درويش، لأن التجربة أول مرة والشخصية اللي أنا عاملها أول مرة، ودرويش كان رهان مختلف، كنت ممكن أعمل فيلم تاني مضمون النجاح، ولكن كلنا لأن من غير مخرج وكاتب وإنتاج تحمس لـ هذا العمل مكنتش هعرف أعمله.
