زوجة جمال عبد الحميد تكشف إصابته بالاكتئاب: بقاله 13 سنة مش بيجيله شغل
كشفت زوجة المخرج جمال عبد الحميد عن تعرضه لحالة من الاكتئاب، نتيجة ابتعاده عن الساحة الفنية لأكثر من 13عامًا، رغم تاريخه الطويل في مجال الإخراج.
زوجة جمال عبد الحميد تكشف إصابته بالاكتئاب: بقاله ١٣ سنة من مش بيجيله شغل
وقالت زوجه جمال عبد الحميد في تصريحاتها لـ القاهرة 24: قعدته في البيت مأثرة عليه بشكل كبير، ومبيظهرش كتير بسبب إنه مكتئب لأن بقاله أكتر من 12 أو 13 سنة من غير شغل، ومفيش أي تقدير لتاريخه ولقيمته الفنية.
وأضافت: هوراجل مخرج، والإخراج مش بس شغله، دي حياته كلها، واشتغل أكتر من 30 سنة في الإخراج، هو نفسه يرجع يقدم أعمال من جديد ويعمل فوازير.
وتابعت: كتب أكتر من مسلسل بنفسه وسعي كتير ومفيش باب إلا وخبط عليه ولكن للإسف محدش بيتواصل معاه ومفيش شركات إنتاج بتوافق تاخد العمل وكل ده بيأثر عليه بشكل كبير.
آخر أعمال المخرج جمال عبد الحميد
تعٌد آخر أعماله مسلسل الركين الذي عٌرض عام 2013 بطولة محمود عبد المغني، والذي دارت أحداثه حول شابٌ فقيرٌ حاصلٌ على مؤهلٍ متوسطٍ، كل حلمه الحصول على وظيفةٍ تحفظ كرامته وتضمن له حياةً كريمةً،لكن لا تساعده الظروف.
وضم العمل عددًا من الفنانين أبرزهم؛ محمود عبد المغني، أحمد وفيق، لقاء الخميسي، أحمد خليل، إيمان العاصي، محمود الجندي، كارولين خليل، سلوى محمد على، فتوح أحمد، دنيا المصري، وغيرهم.
