أبرز تصريحات كارول سماحة عن زوجها الراحل: كتب وصيته قبل وفاته
حلت النجمة اللبنانية كارول سماحة، ضيفة على الإعلامية منى الشاذلي، في برنامجها معكم، وتحدثت خلال اللقاء عن تفاصيل فترة مرض زوجها الدكتور وليد مصطفى، رئيس مجلس أمناء القاهرة 24، ووفاته وعودتها لممارسة نشاطها الفني بعد فترة من الوفاة.
أبرز تصريحات كارول سماحة في برنامج معكم منى الشاذلي
- وليد كان مجهز كل حاجة قبل العملية وقال لي وصيته إيه وقسّم كل حاجة.
- آخر كام سنة كنا عايشين مرحلة مش حلوة كأنه كان بيحضر لدفنه، كان كلامه تقسيم وترتيب لكل حاجة، كان مجهز نفسه، كان عنده أمل بس برضه كان حاسس إنه مش هيعدي منها.
- الفترة قبل ما وليد يعمل العملية من أسوأ سنوات حياتي، آخر سنتين كانوا سنوات النحس.. المرحلة دي لحنت وكتبت حسيت عندي كم من المشاعر مش عايزة أقولها لحد لأنها بتوجع.
- بعد الوفاة لما رجعت لنشاطي الفني كل اللي يهمني كان تالا بنتي، في ناس عايزة تتكلم، وتقولك معشتش الحزن، مين قالك معشتش الحزن؟ أنت عارف لما برجع أوضتي بالليل بمر بإيه أو بعمل إيه، عارف لما أنا وبنتي بنحضن بعض وبنعيط بنعيش إيه؟!.
- الإنسان في مثل هذه المواقف، يا يستسلم للحزن وبيغرق، يا يقف على رجله، وما كان عندي خيار تاني.
- كنت واخدة قراري بالعودة، لأن ماحدش عارف إحنا عيشنا إيه.. أنا في 2018 لغيت كل شيء وقعدت سنة كاملة في البيت، قولت أنا هعمل العمل ده وأخرج منه أروح أعيط في أوضتي.
- كنت بقول لنفسي أنتي دلوقتي مش كارول الزوجة، أنتي حاليا كارول الفنانة اللي عايزة تتم وظيفتها وتخلص.
- الحياة عمرها ما هترجع عادية.. على الأقل في الفترة الحالية بسبب ظروف وفاة زوجي وليد مصطفى.
- مصر بلدي، بس بعد ما رجعت مصر بعد وفاة وليد حسيت بغربة.. حسيت كأن البلد كلها اتغيرت مش نفس البلد اللي أعرفها.. أنا اتعرفت على مصر وحبيت مصر أكتر بعيون وليد مصطفى.
